Atanoh tawhta Social Activist Anna Hazare ta niechaheihna a pathao bâ heih aw

Social Activist Anna Hazare chata atanoh tawhna heta, daihti bitaipa hnei leipa ta niechareihna (Indefinite Hunger strike) a hnei pathao aw. Eima pahno awpa cha, Anna Hazare heta kô 7 a khô hapa liana khata nieparuna adyuhna awpa ta niechaheihna vaw siekhei ha heih ta, kha hmahlana vâna khata UPA sawhkhâ kha â huarypa ta, a tla, eima tah thei aw.

Atanoh tawhta a pathao heih awpa, niechaheihna he Ram Lila Maidan, New Delhi liata kô 2011 liata âvaw tyuna pyly liana khata châ heih aw ta. Atahmâ ta a biepipa cha sawhkhâ ta nieparuna adyuhna, ‘LOKPAL’ padua awpa ta âhnawna a châ bâ aw.

Anna Hazare heta kô 2011 liana khata UPA sawhkhâ âvaw nua ha ta, atahmâ deikua sawhkhâ haipa, Narendra Modi sawhkhâ cha â nua chaipa a châ ha bâ heih aw.

Hazare heta Centre liata Lokpal padua awpa nata, State zy liata Lokayukta padua awpa ta sawhkhâ kôpipa he vaw dycharao tyh ta; he hleikhôna heta India râh lyutaopazy duasu taopathi awpa ta Swaminathan Commission pahruana hlaopatloh awpa ta athata sawhkhâ avaw dycharao tyhpa kha a châ.

Hazare heta India sawhkhâ cha nieparuna alaichadai awpa ta Lokpal rao mâh vei, tahpa ta baipa ta, he Lokpal he paduapa a châ hlâhlei cha niechaheihna a siekhei aw, a ta. Atanoh târi 23, Pamih 2018 âtlyhna chhâpa he British ta India amâ vao nota, khotalaina teituhpa pano – Bhagat Singh, Raj Guru nata Sukhdev-zy ama pa-aosaona noh a châpa vâta a châ, tahpa NDTV chata a palâsa.