CEM MADC TA PIHNÔ VAILI TLY

SAIKAO, 30 March, Friday(MNN) - Atanoh Good Friday noh liata eima Missionary hnoh chaipa Pihnô Vaili cha sapa chiehleina vâta Saikao khihsaw nata Mara zawpizy ta nôpo kawpa ta eima y haipa vâta eima râh nôpaw chaipa Puhpa N. Zakhai, CEM, MADC chhao angiaryh thei khao leipa ta, atanoh cheingei kha ta Saikao a za tly.

Eima CEM he ta Pihnô Vaili tlâh leipa thâtih a vaw pahno tawhta thlai ta tly awpa khoh kaw hra sala MADC Budget Session 2018 cha zâhnia kha ta pathaopa a châ vâta daihti ruapa a hnei theileipa a châ.

CEM he ano dei châ leipa ta, ano raohpa ta ary liata moh rohpazy he ta eima Missionary tly awpa ta ama sie hra:-

1. Puhpa MH. Tiabi, EM
2. Pihnô P. Nancy(w/o Pp. MH. Tiabi)
3. Puhpa Pachi Hlychho, Legislative Secy(MADC),
4. Dr. Pakhai,
5. Puhpa N. Beikhai
6. Evan. S.Hialai.

He hawh ta eima Missionary a tlâh leipa vâta zâhnia zo Good Friday eve Pakhyna liata Mara Awnano hluhpi ta thlahchhâ ama bao chyu tahpa bie daopa a châ hra.

Pihnô Vaili he târi 16 April, 2018 khi ta kô 80 a tloh awpa châ ta; atlâhpa ta a pina noh a tlô theina awpa ta thlahchhâ bao chyu suh vy.

(Admin, MNN)