Europe liata ziza chakuapa vâta chyhsa 55 ama thi

Europe râhhlypi su hluh viapazy cha ziza chakuapa nata chasi tu hapa ta chanaoh haipa ta, chyhsa khazie rakhama ama thi.

Dâhhawh athata a tlapa vâta ahluahtheipa a râ thei lei awpa ta lâthlôhzy chhao dâhhawh heta pakhâ khai ha ta, rel chhao a râ thei leipa ta, zawtheinazy chhao a zawpapua thei leipa ta, siku o vâro khawpa a châ hra.

He thâtih pachhuahpanoh hai no taihna heta ziza chakuapa vâta hrona a pahleipa 55 tloh hapa ta, he hryta 21-zy he Poland râh liatapazy ama châ.

World Health Organization chata he ziza chakuapa heta rietheipa, O nata lyu hnei leipa nata râh hropa tawhta avaw paihpazy a hria pachaih aw, tahpa ta biesakâvawna papua ta. "Kô uhtheipa viapazy, hawtipazy nata pasana a khiakhipa a hneipazy chhao he ziza chakuapa vâna heta ama duasu a pha lei pachaih thei hra” tahpa ta WHO heta ama châpapuapa liata ama palâsa.