Premier League : Premier League nyungiapa ama chalo daihmâ ha bâ - Pep Guardiola

Manchester City  Boss Pep Guardiola chata 3-0 ta Arsenal ama pahnie khai tawhta Premier League nyungiapa ama chalo daihmâ ha bâ, a ta.

Arsenal nahta zâhnia zâcho lâta amâ khaihpa liana heta Goals Bernardo Silva, David Silva nata Leroy Sane zy goal khôpa hmâpa ta ama khichhaina tlyliah, Emirates Stadium liata pahniena topa ta, point 16 ta Premier League liata hmia amâ sah ha bâ.

Atahmâ Season liata khaih 10 ngâlâh akhaih awpa y bâ ta, khaih 5 liata pahniena ama to thei khiahta cha Nyungiapa cha âmo eih a châ ha bâ aw.

Guardiola chata, "Eima ku liata a y ha bâ, mohropa tlei thei rimâ awpa châ khao ma pi" tahpa ta, "He akhaihnazy he Champions châ awpa ta chhâhchabi hnôh chaipazy châ ei ta. A chhâna taihta tha pahniah leipa ta eima tei awpa â ngiah" a ta.

City heta Arsenal he Carabao Final liana khata Gunners he 3-0 ta vaw pahnie ha ei ta; zâhnia zâcho liata akhaihna liana heta Emirates Stadium liana heta atyuna ruapa hmô awpa a hluh kaw.Bernardo Silva ta minute 15-na liata â ngia kawpa ta City hmia a sahna za khô ta. Minute 28-na liata David Silva ta City si 2-na za khôpa ta, minute 33-na liata Sane ta si 3-na za khôpa ta,goal hropa a ngia khao leipa ta City heta 3-0 ta pahniena ama to ha heihpa a châ.

Emirates Tlyliah liata atyuna ruapa a hluh kaw

Arsenal heta 1^st Half a chhâ tawhta 2^nd Half liata goal khô theina daihti ryhpaohpa hnei ei ta, anodeikua Ederson ta Pierre-Emerick Aubameyang avaw pakhâpa vâta 0-3 ta pahniepa ama châ ha heih.Gunners Boss Arsene Wenger chata, "Sasyh a ngâna a phahlana chôta akhaih pi ta, cha cha eima result liata âvaw lâ hapa a châ" tahpa ta, "Atahmâ duasu liata England liata Team pha chaipa ta miah ama pahnie."tahpa ta City a reithai.

Premier League Point Table