Mara laihsa riahphapa Emmi C.Lawbei ta Assam Police-zy ku a tao

Mawrâh nata Assam râhrina, Zophai liata apahâna tlâhphia hyna chôchâh liata Mizo Zirlai Pawl (MZP) nata Assam Police-zy likah liata buana a y haipa liata, Mara laihsa pakha cha Assam Police-zy ta sômasih ta ama phy.

Laihsa Emmi C.Lawbei, Journalist, India News Channel News18 châta thâtihthiehpa lapa ta he buana su liata hmo yzie achupasiatuhpa cha Assam Police-zy heta sômasih ta ama phypa hryta a hlaopa ta, Emmi heta a ky, bâh rachhôh liata hmah phaohpa ta, ama pazeina he â charih chheih thlâh ha. Emmi he Bairabi thohna-O liata First Aid zy piepa a châ tawhta a tlâhbohpa ta a pua ha heih.