NA PALIAH PIZIE TA NA CHÂNA A CHHOPASIA

Eima paliah he eima pôhpa liata mo a la kaw hrapa hrytapa sâkha châ ta. Chyhsazy he paliah pizie nano nanopa a hneipa eima y hra. Na paliah pizie (shape) khata yzie a hnei tahpa na pahno ma? Na chyhsa châna a chhopasia thei máh tã. Paliah pizie achuna he Omphalomancy ama ta tahpa chhao pahno ngyu va chi. Paliah pizie heta yzie a hnei tlai ma? Moh tua sy.

1. Paliah kaw puahpa (Protruding Navel)

Na paliah a kaw puah khiahta cha chyhsa chhyu kawpa na châ tahna a châ. He hawhpa paliah a hneituhpazy cha ama kuchha khoh ta, ama bie ama khoh kaw hra. Chyhsa mo latuhpa châ awpa tlaichhai ei ta. Kyhpachâna, tlaichhaina, thlahsanazy he ama peimawh kaw tyh. Anodeikua kaolâhpa hmôna kyh liata deikua daihti ama ryu kaw. Khopa amâ tyh daidao khiahta deikua hrochhôh â daih ha tyh.

2. Paliah laipa nata a pathuhpa (Big and Deep Navel)

He hawhpa paliah pizie a hneipazy cha ama palôh kawh ta, ama ria a pha kaw hra. Mohropazy hnohta ano thátih reih chakhyh leipa ta; mohropazy khásiana kyh liata â saomâ kaw. Anosasyh hláta mohropa pachâ peimawh viatuhpa a châ tyh.

3. Paliah â pathuh leipa nata tatawpa (Shallow and Small Navel)

He hawhpa paliah a hneipazy cha ama hrozie â nano khoh kaw. Bieru nyu thei kaw ei ta, mohropa tlohleina nata phaleina ama pahno thei kaw. Mohropazy chôta ngâna pahnieh awpa parusa kaw ei ta. Pahnothai ama ru kaw tyh.

4. A ry lâta paliah aheihpa (Downward Navel)

He hawhpa paliah a hneipazy he 3-na liata eima reipazy nahta cha nochhi nata notla hawhta alyu leipa châ ei ta. Tha nata zâh a phahla ei ta. Tha hryuhna awpa liata pha leipa ei ta, lathli hmâpa ta raihria angiahpa liata deikua ama pha kaw. Ama thathi taraw ta so ei ta. Ama thathina chata khôkhâ pha viapa a pahmôsa tyh ei.

5. Paliah a awhti hawhta pahlôpa (Oval Shape Navel)

He hawhpa paliah a hneipazy he cha a chavie-chavâ kaw ei ta, ama palôh a nainyu kaw heih tlô. Daotheina a phahla kawpa, bua kawpa chyhsa châ ei ta. Hmo ai patoh kaw ei ta, hmothiehpa thlai amâ ngiahbâh ha tyh. Ama palôh a nainyu kawpa váta pasa patoh ei ta. Palôh pasana ama hneipa chhaota amâ chalihkhei thláh ha tyh. He heta reikah leipa ta tao hnolona kyh liata baopa ta, hlaotlohna ama hmô ha heih tyh.

6. Paliah kawh/laipa (Wide Navel)

He hawhpa paliah a hneipazy he cha â hro kaw ei ta, hmo khásia ama thai kaw. Kheihawhpa duasu lia rai ta ydâh thai ei ta. Chyhsa chôta ngâna pahnieh chakhyh vei ei. Chyhsa ama ngá daidao hapa zy deikua tlokhuh ama ngâ ha tyh. Chyhsa ama ngâ hapazy châta cha khâpa hmo rai tao awpa â ngâ tyh ei ta. Anodeikua chyhsa liahsa amâ chupasia ha tua tyh. Mohropazy ta ano chôta ama taopa hawhta viari a thó thai kaw.