PALM SUNDAY SERMON : "KHÂPA VÂTA ZISU KHA JERUSALEM Â NGIA?"
- By Machâ Pachi Hlychho
Jerusalem (Urusalim) he Maraland khihpi hawhta Siaha khih hawhta tlâh chô bypi liata khih ypa châ ta, chakhâ kiah ta pangai byuhpa a châ. Khazohpa Khinahrâh a vaw tlô hlâta hmo yzie awpa zydua a reih khai tawhta Jerusalem lâ pangaipa ta Zisu cha hmia a sah ta, a pachupazy ta ama pazi. Bethapha nata Bethani, khih kiahpâh Oli tlâh ama tlô nata a pachupa pano (2) tuah ta, biehnei ngâsâpa ta a tuah ei. “Abeipa ta a khoh,” tah muh vy tahpa ta a tuah ei. He lia heta Zisu Khazohpa a châna cha a sia ngâsâpa ta âlâ. Ama hmia lâ liata khih ypa nata Alâ taw hraihpa zydua hmô khai thei ta, a hneituhpa ta a bie vaw reih awpa zydua chhao a vaw pahno chhielie khai thei.
Nathanael hnohta “Phili ta a cha aw hlâta, Theiku kô Thaby liata na y nona khata ei cha hmô mâ tâh,” tahtuhpa kha ta. Alâ taw hraihpa chhao a vaw hmô thei khai. Hmoto a mohmô liata âlâ leipa rai y vei, eima pachâna zydua lâ taihta phie a pahno khai (Heb 4 : 13). Ti liata Ngasa (fish) pakah chhôh liata tlaw no (Rs. 2) ypa zy chhao a hmô thei, a châta cha pahno lei awpa nata tao thei lei awpa rai y vei (Mt 17 : 27).
Khâpa vâta Bei Zisu kha Alâ taw chô kiah cheingeipa ta Jerusalem kha â ngia? He hiahrina he a peimawh kaw. Achhâpa peimawh ngâsâpa miathô (3) eima reih tuah aw.
A miakhana liata cha kô 3 chhôh Khazohpa Khinah râh thâtih pachupa ta Zudia râh do nata hâ chahry ta, Mesia Khazohpa sawchapawpa nata khizaw pachhatuhpa a châna kao nano nanopa ta palâsa ta, châhrasala Jerusalem mozy ta a pyh veih ei. He vâta Alei nata Vâ Beipa a châna palâsa awpa ta Alâ taw chô kiahpa ta Jerusalem â ngia.
A mianona liata cha, Bei chaipa hawhta rônah ngâsâpa ta, a Vâlyuchâpa reitiah leipazy chhaota âvy nawpa daihti châ mâh leipa ta, a reisi ngâsâpa ta Vâlyuchâpazy hlâta âhnai viapa ta Adyhna tao awpa ta Alâ taw chô kiahpa ta Jerusalem a pangai. Alâ taw chô kiahpa he adyhna tao awpa khona palâsana a châ. Bei chaipa châna chhaota âvy heih ti ta deikua cha “Arâ râhpa chô liata a vaw kiah ha bâ aw,” (Bph 19 : 11).
A mia thôhna liata cha, chhochhieliena biezy a vaw tlôpaki thei nawpa ta Jerusalem â ngia.
Kô 33 rachhôh alei chô liata a pahrâ chhôhta palyupalihpa ta a ypa arônah chaina daihti a châ thlyu aw. Hlazy rohtuhpa cha “Abeipa mohta â vypa cha ahu â hie na,” tahpa ta a vaw reipa kha he noh heta Zisu chô liata a vaw tlô paki haw (Hlazy 118 : 26). Zawpakhô Ku liata â hlaopa zawpi hluh ngâsâpazy ta Zisu Jerusalem khih lâ âvy aw tahpa pahnopa ta Thiahra kuahzy a chabapa ta ama pohzy phawhpa ta Ano dy awpa ta pua ei ta, “Hosana, Abeipa mohta Israel Bei chaipa âvypa cha ahu â hie na,” tahpa a thata ama awh. Hrosopa ta, “Chi khâ, Zai O Sawchanô moh teh, na Beipa cha Alâ taw chô liata kiahpa ta âvy aw na,” a tahpa hawhna kha ta.
He hawhta rônah ngâsâpa ta palyupalihna zawpi tawhta dao hrasala zawpi hry liata thokha deikua la ama mo a ka ngâsâ, â vaw ly veih ei. Zawpi awh ngâpazy cha chalihsa awpa ta Zisu ama chho.
Atanoh he Zisu cha Jerusalem â ngia chanei heih khao aw vei. Nâma nata keima liata deikuala â ngia awpa ta eima palôh ochhi thaby liata aduahpa ta a chakhyh chanei heih hih.
Jerusalem kha â ngia tarawpa ta thokha hnohta la ângia thei vei. Abeipa Zisu khata Jerusalem â ngia raohpa khata Jerusalem arao nawpa a chho chhielie. Jerusalem kha a châ thlyu aw. Atanoh nâma nata keima liata Zisu ta bie a hnei leipa khiahtala aboh hra thlyu aw ma pi - eima leidia aw tahpa he Bible ta maniah a chho chhielie dâh a châ.
Jerusalem (Urusalim) he Maraland khihpi hawhta Siaha khih hawhta tlâh chô bypi liata khih ypa châ ta, chakhâ kiah ta pangai byuhpa a châ. Khazohpa Khinahrâh a vaw tlô hlâta hmo yzie awpa zydua a reih khai tawhta Jerusalem lâ pangaipa ta Zisu cha hmia a sah ta, a pachupazy ta ama pazi. Bethapha nata Bethani, khih kiahpâh Oli tlâh ama tlô nata a pachupa pano (2) tuah ta, biehnei ngâsâpa ta a tuah ei. “Abeipa ta a khoh,” tah muh vy tahpa ta a tuah ei. He lia heta Zisu Khazohpa a châna cha a sia ngâsâpa ta âlâ. Ama hmia lâ liata khih ypa nata Alâ taw hraihpa zydua hmô khai thei ta, a hneituhpa ta a bie vaw reih awpa zydua chhao a vaw pahno chhielie khai thei.
Nathanael hnohta “Phili ta a cha aw hlâta, Theiku kô Thaby liata na y nona khata ei cha hmô mâ tâh,” tahtuhpa kha ta. Alâ taw hraihpa chhao a vaw hmô thei khai. Hmoto a mohmô liata âlâ leipa rai y vei, eima pachâna zydua lâ taihta phie a pahno khai (Heb 4 : 13). Ti liata Ngasa (fish) pakah chhôh liata tlaw no (Rs. 2) ypa zy chhao a hmô thei, a châta cha pahno lei awpa nata tao thei lei awpa rai y vei (Mt 17 : 27).
Khâpa vâta Bei Zisu kha Alâ taw chô kiah cheingeipa ta Jerusalem kha â ngia? He hiahrina he a peimawh kaw. Achhâpa peimawh ngâsâpa miathô (3) eima reih tuah aw.
A miakhana liata cha kô 3 chhôh Khazohpa Khinah râh thâtih pachupa ta Zudia râh do nata hâ chahry ta, Mesia Khazohpa sawchapawpa nata khizaw pachhatuhpa a châna kao nano nanopa ta palâsa ta, châhrasala Jerusalem mozy ta a pyh veih ei. He vâta Alei nata Vâ Beipa a châna palâsa awpa ta Alâ taw chô kiahpa ta Jerusalem â ngia.
A mianona liata cha, Bei chaipa hawhta rônah ngâsâpa ta, a Vâlyuchâpa reitiah leipazy chhaota âvy nawpa daihti châ mâh leipa ta, a reisi ngâsâpa ta Vâlyuchâpazy hlâta âhnai viapa ta Adyhna tao awpa ta Alâ taw chô kiahpa ta Jerusalem a pangai. Alâ taw chô kiahpa he adyhna tao awpa khona palâsana a châ. Bei chaipa châna chhaota âvy heih ti ta deikua cha “Arâ râhpa chô liata a vaw kiah ha bâ aw,” (Bph 19 : 11).
A mia thôhna liata cha, chhochhieliena biezy a vaw tlôpaki thei nawpa ta Jerusalem â ngia.
Kô 33 rachhôh alei chô liata a pahrâ chhôhta palyupalihpa ta a ypa arônah chaina daihti a châ thlyu aw. Hlazy rohtuhpa cha “Abeipa mohta â vypa cha ahu â hie na,” tahpa ta a vaw reipa kha he noh heta Zisu chô liata a vaw tlô paki haw (Hlazy 118 : 26). Zawpakhô Ku liata â hlaopa zawpi hluh ngâsâpazy ta Zisu Jerusalem khih lâ âvy aw tahpa pahnopa ta Thiahra kuahzy a chabapa ta ama pohzy phawhpa ta Ano dy awpa ta pua ei ta, “Hosana, Abeipa mohta Israel Bei chaipa âvypa cha ahu â hie na,” tahpa a thata ama awh. Hrosopa ta, “Chi khâ, Zai O Sawchanô moh teh, na Beipa cha Alâ taw chô liata kiahpa ta âvy aw na,” a tahpa hawhna kha ta.
He hawhta rônah ngâsâpa ta palyupalihna zawpi tawhta dao hrasala zawpi hry liata thokha deikua la ama mo a ka ngâsâ, â vaw ly veih ei. Zawpi awh ngâpazy cha chalihsa awpa ta Zisu ama chho.
Atanoh he Zisu cha Jerusalem â ngia chanei heih khao aw vei. Nâma nata keima liata deikuala â ngia awpa ta eima palôh ochhi thaby liata aduahpa ta a chakhyh chanei heih hih.
Jerusalem kha â ngia tarawpa ta thokha hnohta la ângia thei vei. Abeipa Zisu khata Jerusalem â ngia raohpa khata Jerusalem arao nawpa a chho chhielie. Jerusalem kha a châ thlyu aw. Atanoh nâma nata keima liata Zisu ta bie a hnei leipa khiahtala aboh hra thlyu aw ma pi - eima leidia aw tahpa he Bible ta maniah a chho chhielie dâh a châ.
