Sahma a zuah tyhpa chhôhkha ta sahma zua ama bâsaipa vâta College Vaih MTP ta baona hlâ

College Vaih MTP President Puhpa AZ Sa-U ta baona a hla

Tari 14.3.18 noh liata Siahatla VC-I Area chhôh liata pahrâpa,sahma zuah tyhpa pakha cha MTP (H) liata Paritheipa adyuhpa Committee ta sahma ama check nota a sahma zuapazy he duty pazy mohmô liata zuah khao lei awpa ta â taihpa vâta phie thy khai ha ta, he chhôhkhazy he College vaih MTP ta mohpazi lymâpa hra.

He hawhta MTP ta mohpazi lymâpa ta, ama bietaipa hawh tlaita sahma he ama zuah khao leipa hawhta pahnopa châ ta, sahma zua ama bâsai tawhna heta nie nata do kyh liata thata rairuna amâ tyhpa vâta nata chhôhkha pawhrâhpa he asypa a châpa vâta, rai chahrâhpa hria thei awpa châ khao leipa ta, opazy ta nie nata do awpa ama vaw pie tyh tahpa pahnopa a châ.

Sahma ama zuah khao lei tawhta he hawhta ama chhôhkha duasu a châ hapa vâta College Vaih MTP Executive Committee chata, he chhôhkhazy heta sahma ama zuapa cha ama pathleih pathla thei awpa a hnabeiseih kaw nota, he hawhta nie nata do rairuna vâta sahma ama zuah lilaw heih lei n’awpa pachâpa ta sahphâ nata âhmie vâro tlai he chhôhkhazy hnohna heta ama hlâ.

College Vaih MTP ta bao angiahpa ama baona sôh he chhihthatuhpazy ta ama thyupakhypa châ ta, sahphâ nata âhmie ama chaleina laipa phusâ chhao ama hlâpâ ha hra.