Atazâ Premier League champions sia aw : Manchester City ta champion awpa ta United ama pahnie thei ma?

Atazâ dawh 10-pa heta Premier League nyungiapa chalotuh awpa City chhichâna cha pasiapa a châ ha bâ aw. Atazâ ta ama hmiahao zôzawpa, ama opa club, United ama pahnie khiahta cha ama champion tahpa a sia bolo ha bâ aw.

Manchester United Boss Jose Mourinho chata, Manchester United â châhtuhpazy cha  Manchester City ta United pahniepa ta Premier League nyungiapa ama vaw chalo hapa chhaota “khizaw a lei ha tahna châ hlei vei la y” tahpa ta, atazâ ta Etihaad tlyliah liata ama tlô leipa chhaota, hnôhlâ daihti liata ama Club ta duasu chhie kawpa tawhta ama vaw kua heihnazy kha a thei thlâh ha awpa ta a chho ei.

Kô 2006 liana khata kha nota Mourinho mohôhpa Chelsea khata United kha 3-0 ta Stamford Bridge liata pahniepa ta, Patô thlâpâ 2006 liata Chelsea khata nyungiapa chalopâ ha ei ta, anodeikua Sir Alex Ferguson mohôhna ry liata a kô heihpa liata United khata nyungiapa ama vaw chalo ha heihpa kha a châ.

Atazâ dawh 10-pa liata City tlyliah, Etihaad liata City ta United pahniepa ta, nyungiapa vaw chalo hapa châ ei sala, United fans zy hmiachhie tu hapa vai n’awpa ta khâpa bietana ma a reih khoh, tahpa ta Mourinho ama hiahrihna cha Mourinho heta : “Kô 2005/06 Season liana khata Chelsea mohôhpa ta Manchester United eima pahnie tawhta nyungiapa chalo pi ta. United kha 3-0 ta pahniepa ta Stamford Bridge liata kô 2005-06 Season châta nyungiapa eima chalo. Châhrasala khizaw chhâna deikua châ vei. Manchester United kha ama leidia pâ ha tahna châ vei. Football yzie tlai a châ khaw”

“Ei rei thei chhôpa cha â pahniesa chakhyh aw ma pi, pahniena to awpa eima khoh. Etihaad tlyliah ngai aw pi ta, thapi phiapa ta pahniena to eimâ chhuah aw. He deita he ei bietana cha a châ” a ta.

Coach hryta bie nata hla pazai kaw hrapa, Portuguese Coach Mourinho heta reih pazaopa ta, “Champions awpazy champion-na daihti pahawhpasâh tyhpa he taozie tyhpa rai châ ta. Pahnie awpa khoh pi ta, hâta heihpa liata chhao Tottenham Hotspur ta chhao pahnie ei sala khoh pi ta, a hawh thei chaina hawhta nyungiapa chalosa awpa eima khoh.

“Chelsea chhaota he he ama khoh hra aw, Patô thla chhâna taihta tlyma Patô thla thaona taihta Champions pa châsa mâh lei awpa eima khoh chyu aw. Atahmâ Season liata deikua City he ama champions cheingei aw, tahpa a sia.”a tah hra.

Season nano nanopa liata Champion zy Club duasu :

City heta atazâ he ama tlyliah, Etihaad liata pahniena topa ta, Champions hra ei sala, nyungiapa deikua he Huddersfield Town nahta târi 6 Patô 2018 liata amâ hmiachhy tita hlâpa ama châ aw.