Champions League SF 1st Leg : Bayern Munich 1 - 2 Real Madrid

Real Madrid ta Champions League semi-final 1st leg liata ama khichhaina, Allianz Arena tlyliah liata Bayern Munich pahniepa ta, 2-1 ta ama tlô.

Champion haipa heta, â zaopa ta season 3 chhôh champion awpa amâ chhuahna lâthlôh liata, ama kao vaihpa ta a phiapahri taraw hr'eisala, Bayern Munich kaochhôh liata si no ama khô pylypa vâta 2nd leg liata away goal 2 hneina chôta Bayern he vaw khichhai aw ei ta; Marcelo nara Marco Asensio zy goal khôpa he khatluta peimawhpa maw tahpa cha Bernabeu liata â hno aw. Bayern goal khapa he Kimmich ta a khôpa a châ.

Real Madrid thâtih ngiatlâhpazy :

- Real heta Champions League liata Bayern he á zaopa ta ei charu pahnie ha ei ta, kô 2010 nata 2012 likah chhôhta ei 6 â zaopa ta ama pahniepa, Ajax nahta ama Club thâtih liata â zaopa ta ama pahnie hoh chaipa ama châ.

- He akhaihna he Bayern ta Champions League liata Real ama hmiachhyna akhaihna liata goal ama pangia tarawpa ta pahniepa ta ama yna akhaihna ei thôhna a châ.

- He he Real ta Champions League liata ei 150-na pahniena ama tona châ ta, UCL thâtih liata he hawhpa duasu a tlô tuachaipa ama châ.