Home Minister raihriapa cha O sapa a châ - Chhatisgarh pachutuhpa
RAIPUR: Chhattisgarh education department, châta noza hmiachhiena a châ thei awpa hmo a tlôpa liata, Chhatisgarh liata primary school headmaster pakha chata hâta ei kha liata noh 6 a ypa hawhta a siku hawtizy vaw pachu tyh ta, blackboard liata a châ ropazy chhao hawrawh a do vei. He dei châ vei - Pachutuhpa ta ama state education minister moh dâhdei chhao pahno leipa ta, state 'home minister' ta a hria chaipa cha ama state liata O sana rai nata contract raihriapazy a khâsia tyh a tah cha maw! He pachutuhpa tah hih!!!!!.
He siku, Chhattisgarh su chaki-chabâ kawpa liata a ypa he senior official zy ta tly beih leipa ei ta, he vãa heta achuhaipa nata pachutuhpazy he ama diathlâ kawpa hawhta reipa a châ. He Gadertoli primary school, Kansabel headmaster ta achuna a piena dâh nata siku a mohôhna dâh deikua heta education department zy nah a charao kaw.
He siku achupasiatuhpa, _Times Of India_ district education officer N Kujur, hnohta hmo yzie hiahrihpasia ei ta, "Media lâ tawhta hmo yzie ei vaw pahno tawhta, headmaster suspend pi ta, department enquiry chhao eima siekhei hra."a ta.
Class 1 tawhta Class 5 zy cha châ achuna daihti liata khôtho liata palaopalâ ha tyh ei ta, khazia ma class ama la vei tahpa ta ama hiahrihna cha achuhaipazy heta, "Pachutuhpa sahma doh ta. Pachutuhpa hropa hra pano ngâlâh y ei ta, ama vaw hawh ngâthlâh hapa hleikhôta ama pari pâ tyh."ama ta.
Achuhaipa nô nata paw zy chata sawhkhâ hnohta tlôkhei tyh ei ta, yzie hnei vei, ama ta.
Headmaster ta class a la nota blackboard liata 'NOH MOH' a ropa liata 'Thursday' pahlao leipa ta hâta eikha liata noh 6 a ypa hawhta pachu ta, pachyh noh cha 'Saterday' tahpa ta roh ta, spelling thai leipa alyu kaw.
He dei châ vei, thla (month) moh a ro nota chhao January cha 'Januari', August cha 'Auguest', October cha 'Octuber' nata December cha 'Disember' tahpa ta a roh cha maw!.
He Headmaster heta ama State Education Minister moh chhao pahno leipa ta; Home Minister zy ta O ama sa tyh a ta.
Ama Education cha hmah a sie lei kaw hr'aw hih e..😃
