Queen Elezibeth he Muslim paduatuhpa Prophet Mohammed pathla a châ

Britain beinô Queen Elizabeth cha Muslim zyhna paduatuhpa Prophet Muhammed pathla a châ, tahpa Moroccan thâtihbu miakha ta a papua.

UK thâtihbu Daily Mail ta a palâsa pachhuahna liata cha, he chôchâh he kô 1986 liana khata Burke châ ropa, ‘Peerage’ liata palâsapa a châ ha, ama ta. Morrocan thâtihbu heta Queen Elizabeth pathlatuhpa chhâ 43 taihta amâ chupasiana liata Britain beinô he Prophet Mohammed pathla a châ, ama ta.

He achupasiana ta a palâsana liata cha Elizabeth II he kô zabi 14-na liata Earl of Cambridge chhôhkha tawhta vaw papuapa ta, Spain liata Muslim lâta alaichadaipa ta Fatima, Prophet Muhammed sawchanô pathla a sie lymâpa a châ, ama ta.

Historian thokha ta he achupasiana he ado vei, tahpa ta eichhia ei ta, Medieval daihti hmiatuapa liata châ ama ropazy ta he he â do tahpa a pasia, ama tah hra.