Marasaw MBBS 1st Division liata hlaotlohna hmô
PACHAWH 14 (MNN): Satlia Beimozachhi Hlychho s/o Puhpa Pachi Hlychho, Meisavaih, Siaha cha Mahatma Gandhi Memorial Medical College, Indore Madhya Pradesh tawhta First Division liata MBBS apatlô.
St. Beimozachhi he kô 2012 liata Mizoram state technical entrance (medical) exam na liata rank 11 na châ pata aroh patloh ta, Indore, Madhya Pradesh liata âchu pathao. Kô 2017 liana khata MBBS patlô ta, kô kha chhô internship tao pata, apalâ ngâsâpa ta takô kô 2018 liata internship chhao apha pata patlô ta, zâhnia kha graduation day ahmâpa ta MBBS cha apatlô pathlah haw.
St. Beimozachhi heta MBBS lia ngâlah achalih sai awpa achhuah leipa ta, achuna sâh viapa Specialist hleikhô ta Super Specialist taihta châ achhuahpa ta, tahmâ he post-graduate (PG) entrance exam takô December liata hnei awpa châta âpachhuah panoh ngâhai.
