FIFA World Cup bielôhawhpa
Kô 4-padaipa ta FIFA ta khizaw liata mophapa rônah chaipa, "The Greatest Show on Earth" cha hâta heihpa pohbie noh, 14.6.2017 khita akhaih pathaopa a châ ha bâ heih aw. Râh 32 puapa ta, akhaihna ei 64 y aw ta, thapi phiapa ta World Cup champion châ achhuahpa ta ama tei chyu heih aw.
FIFA World Cup amâ khaihna châhki heta thâtih rei pha kawpa zy, nahcharao kawpazy y thai kaw ta. He ary liata eima palâsa awpazy chhao he cha hawhpa cha a châ :
1. World Cup akhaih chhôhta chanô a môkhei pasai lei :
FIFA World Cup liata avaw puapa râh nano nanopa Coach zy ta ama Player zy cha World Cup chhôhta chanô, ama lahpinô chhao rai, a môkhei tlâ lei awpa ta ama vaw pakhâ tyh.
Germany, Spain, Mexico nata Chile chata atakô World Cup liana heta ama Player zy cha chanô a môkhei lei awpa ta pakhâna dâh a icha kawpa ama taothlu ha heih. He râh Coach zy heta chanô amôkheipa cha Player zy palôh ano leipa lâta patleisatuhpa nata tha nata zâh pahleina deita a châ, ama ta.
2. Khizaw maluh Billion 7.05 tawhta 50% zy ta World Cup he ama vaw sai tyh :
Khizaw zawpi maluh 3.2 billion hlâta hluh viapazy ta kô 2010 World Cup kha minit tota ama moh tyhpa hawhta reipatipa châ ta. Khizaw liata Sports Event mo a hlao chaipa a châ.
3.World Cup chhôh heta Beer 3 million-ôh ama doh hmâ :
FIFA World Cup 2010 chhôh khata Beer litre 750,000 rachhôh Stadium chhôh lia ama zuah khai cha maw!
4. Champion team ta lymâ châta $ 35 Million ama dao
5. FIFA World Cup liata team 2 ta amâ khaihna 50% liata pahniena ama to khai chy :
Brazil nata Italy zy ta nyungiapa ama chalopa pahlyhpakhypa zie he 9 châ ha ta. World cup ei 19 ama hmichhy hapa liata team sâkha heta pahniena 47% ama to.
Brazil heta World Cup nyungiapa ei 5 chalo ha ei ta, kô 1958 tawhta 2002 likah liata he nyungiapazy he ama vaw chalo ha. World Cup ama pathao kô 1930 tawhta Brazil he eikha hmahta a hlao leipa ta y mâh vei ei.
Italy heta ei 4 tlai nyungiapa avaw dikhei ha hra ei ta. Atakô deikua vâduachhih kawpa ta ama hmi hmô aw ma pi.
6. Goal chatlie chaipa :
Kô 2002 World Cup liana khata, Turkey player Hakan Sukur ta 11 seconds liata South Korea lâ goal khôpa ta, South Korea kha 3 - 2 ta pahniepa ta sâthohna châ ei ta.
11 seconds chhôh deita liata goal a khôpa vâta, Sukur kha atanoh taihta World Cup liata goal khô chatlie chaipa a châ thlâh ha chy.
7. Goal khô hluhpa :
Russian striker Oleg Salenko ta World Cup match kha liata goal khô hluh chaipa record patu hai ta. Kô 1994 World Cup liana khata Salenko heta match kha liata goal 5 po avaw khô! Cameroon kha 6 - 1 ta ama pahnie!
8. Khaih kha liata team ta goal khô hluh chaipa :
Hungary ta World Cup match kha liata goal khô hluh chaipa record patu heih hra ei ta. Kô 1982 World Cup liana khata si 10 khôpa ta, El Salvador cha 10 - 1 ta ama pahnie.
9. World Cup liata goal khô hluh chaipa :
French striker Justine “Justo” Fontaine ta World Cup eikha liata Goal khô hluh chaipa châna patu ta. Kô 1958 World Cup liata khaih 6 liata goal 13 po avaw khô.
