Article : Mara Reihchâ he tloh paki vei mâ - By Salai Biechokhai

Mara Reih eima chei ti ta Reih hropa eima cheih/hmâ pahlaopâ tyhpa he Mara Reih he tloh/aki vei tahpa eima palâsa khohna a châ.

Mara Châ eima ro tita Chihropa Châ eima ro pahlaopâ tyhpa chhao he Mara Châ â ki/a tloh leizie eima palâsa khohna a châ.

Mara Reih eima cheih/hmâ tita Mara Reih saita cheih/hmâh sih la, Mara Châ eima ro tita Mara Châ saita roh/hmâh hra suh vy.

Mara Reih nata Châ aparaopakeituhpa châ  kha ei suh vy.

Note : Ary liapa he vaw moh pazao ha tua ma y.

Mara Reih azakheipa nata amo pahnaipazy ta Mara Reih ta Bie ama rei tita Chihropa Reih ama pahlaopâ tyh. Kaokha lâta eima rei khiahta cha Chihropa Reih apasâhsapa ama châ. Mara Reih Disao awpa ta achhuahnohpa nah ama châ.

Mara Châ ama ro tita chhao Chihropa Châ apahlaopâ tyhpa nah he Mara Châ a mo pahnai hleikhôta Mara Châ tlysao/disao awpa ta achhuahpa nah ama châ.

Mara Châ ei thai leipa vâta Chihropa Châ ei vaw pahlao tlamaw haw atah tyhpa nah chhao he Mara Châ tha apasa rai rai leipa ama châ tahpa â la pasia kaw.

Mara Reihchâ tha apasapazy ta Mara Reihchâ amâ chu lymâ aw.