Siaha : Chapaw hawti kô 3-pa a palaona liata apiepasipa ta hrona pahlei

Dt. 18. 7. 2018: Atanoh zâlâ dawh 6:20 rachhôh lia khata hawtipa Z. Beirapha s/o Z. Rokunga, college vaih cha â papasipa MGC Hospital liata eimâ chhaih.

Z. Beirapha he kô 3 deita ta uhtheipa châ ta, ECM College vaih north Achhyna o kiapâh (near Rev. Beipiesa Miehlô O)  liata ypa ama châ.

Rev. Beipiesa Miehlô o chô lia heta Chartin nata thophia pacho/ chahypa ta Z. Beirapha he chokhei/ vi ta, Rev. Beipiesa Miehlô lahpinô ta Z. Beirapha he hmô tua chai ta, thlaita chyhsa hropazy cha awsao lymâpa ta Z. Beirapha he lapapuapa châ ta, thohna o lâ thlaita arâkheipa châ ta, ahrona deikua pachha hmâ khao veih vei. ( _Beirapha he ano deita ta palaopa ma a châ ma, a viasazy chhaota palaopa ma ama châ tahpa pahno pasia theipa châ mâh vei._ )

Puhpa Z. Rokunga nata a chhôhkhazy he college vaih liata o tlôhpa ta pahrâpa châ hra ei sala, ama o nata lyu ta â chu tu leipa vâta ama mahpaw (Z. Rokunga paw), J. Chhietha o, new colony - III liata a ri he pasohpa a châ. Puhpa Z. Rokunga nata a chhôhkhazy he ECM Ebenezer Awnanopa liata ypa ama châ.

Athipa chhôhkhazy eima thlahchhâna liata athei chyu ei suh vy.