MADC Nôpawpazy ta '6th Schedule taopathina awpa' Memorandum pangia
Autonomous District Council chôchâh liata atyupahmaohna ei nona cha atanoh khata Raj Bhavan, Aizawl liata hneipa chã ta, Mizoram Governor Puhpa Kummanam Rajasekharan ta a chhihtha.
MADC CEM Puhpa N. Zakhai nata member hropazy ta he atyupahmaohna liana heta Mara Autonomous District Council vyuhpa ta a hlao ei ta, District Council and Minority Affairs department nata Governor’s Secretariat official-zy State sawhkhâ vyuhpa ta amâ hlao.
Governor chata District Council châta atyupahmaohna liata, pachãna hmâh awpa nata hriaparaohna cha he atyupahmaohna a chhuahpa a châ, tah ta. Council duasu pakhâta ta achupasia ta, bietluna nata ryraona yzie hnei kawpa ta taopa ta, ama ryraona zy cha a daihti ta liata patlô awpa ama châzie reih ta.
Hmahsiena rai châta sôh ama hmôpazy cha a mochhih thai kawpa ta hmâhpa ta, ryraona ama vaw tao chhieliepa hawhta hmâh awpa ama chãzie reih ta. MADC vyuhpa ta a hlaopazy hnohna chata report zy cha a daihti ta liata pangiapa ta, ama hmahlanazy cha biehneituhpazy lâta tlôkheipa ta, baona amâ ngiahpa chhaota hiah tyh awpa ta bie a ta ei.
Governor chata Central nata State sawhkhã liana ngâlâhta a pahnieh ngâthlâh ha awpa a ryh leipa aw ta, sôh lapangiana pathâpazi thaipa ta, zawpi châta hmâh thai awpa a ngiah ta, amâ tivy awpa â ngiah a ta. Member-zy hnohna chata, rairuna taotuhpa ma eima chã pathlâpazituhpa maw, tahpa eimã moh awpa â ngiah a ta. Daihti a pahiehdâh reizie lymâ hawhta saina opy zy pakawhpa ta, Council châta ryraona phapa nata hlaopatlohna dãh awpazy chhao eima pachâ awpa â ngiah, a tah hra.
Meeting-liana heta Autonomous District Council-zy Fund Rules cha panano awpa hmahla haipa a châ tahpa palâsapa châ ta. Accountant General pahruana hawhta Internal Audit chhao thlaita hmâh awpa a châzie palâsapa a châ hra. Ti pump chôchãh zy, agriculture nata ã hniahnipa, a puapa pazawna nata pahleipahlôna kyh liata rairuna amâ tyhpazy reipa châ ta. Khih asiepahliena, skill development, thyutliapazy châta nietluana taopa, college-liata science stream achuna a y leipazy nata helicopter service pha viapa angiahpa a chãnazy reipa a châ.
Mara Autonomous District Council vyuhpazy heta Governor hnohna hets India dâhpi 6th Schedule pananona awpa nata Council chhôh liata rai lana pakhâna chôchâh liata memorandum pangia ei ta.
‘A Report of Administrative Reforms Commission Mara Autonomous District Council 2018’ ama pangia hra.
-Dipr
