June noh 7 tawhta Bangalore khihpi liata a lei hapa Mizo satlia hmôpa a châ haw
June noh 7 2018 tawhta a yna chybia pahno leipa ta Bangalore khihpi liata a lei hapa, Bilkhawthlir satlia Zosangkima cha atazâ (18.7.2018) dawh 7:30-khata a tlâhbohpa ta Bangalore Mizo Welfare zy ta ama hmô ha.
Satlia Zosangkima he a viasazy nahta Bangalore liata rai tlua awpa ta sie ei ta, a viasazy nahta hmaohkha ta ama y thlâh hapa cha khataihlâ ma a tlei tahpa chhao pahno khao lei awpa lei ha ta. A lei tahpa thâtih ama theipa cha Bilkhawthlir lâta a chhôhkhazy ams nôpo ngaita kaw.
Bangalore Mizo Welfare zy chhaota athata ama tlua tawhta ama hmô leipa vâta ama nôpo kaw hra ta, Bangalore khihpi zy hawhpa, khihpi lai chaimãhpa liata cha a tlua n'awpa dâh chhao pahnothai a ru hmeiseih. A lei tawhta noh 7 khô ta, taodâh tyhpa hawhta a tluana rai a chalihsaipa châ ta, a chhôhkhazy ta chhao a thi ha khiahma tahpa ta mothlih chhaota ama y thláh ha bâ.
A lei tawhta thla kha hlei a y tawhta, hnabeiseihna nata Khazohpa lâta thlahchhãna ta ama hia tyhpa cha chyh-eihpa ta ypa ta, atazâ khata Zosangkima heta a viasanah cha phone tawhta bie avaw chhopa ta, Hindu achhyna-O hawhpa Mandir liata a y tahpa avaw chho ei. Bangalore Mizo Welfare zy hmahlana ta atazã lilawh khata ama kei dy hapa a chã.
Source : Mizo World News
