Article : ÂHNAPATI HIH...

By ELLEN HLYCHHO

Atanoh cha nohchhôh thopi eima dohna liata viachhâh vyuhpa ta ei Nâ ta Âhnapati chhoh ta, ngachawhpa charoh pi ta, ei nie chai mâh :)

Ei vaw palâhâh nachhâpa deikua cha, ei Pâ bie reipa he a châ. Keimo ta pahâh eima tah kaw no ta hawti nah deikua ta cha nie khoh leipa ei ta, heta he ei Pâ ta a chhoh ei, "Âhnapati he eima traditional food châ ta, chakâhna daihti lia maihta manô mapawzy ta ama ngiapâ chaipa a châ. Chavâta, zana chôta nama nie awpa a châ," a tah ei. Kei cha a pahâh ei tahpa vâta a niepa châ nah ta, heta lâ he vaw pachâ beih va na. Anodeikuala atanoh ta ei Pâ biereipa ei theihpa khata Âhnapati a pahâh ei tahpa hleikhôta pasôhna palôh ei na pahneisa kawpa vâta ei vaw share :)