Aizawl liata Certificate nohthlahpa taotuhpazy patu

Aizawl SP C Lalzahngoa chata atlia khata, document nano nanopa - certifcate, marksheet, driving licence, etc. nohthlahpa tao tyhpa chyhsa 3 ama patu tahpa a rei.

Aizawl SP ta a reina dâhta, M.A certifcate nohthlahpa Mizoram University-liata hmâ a chhuahpa ama y tahpa bie ama daopa vâta police-zy ta alaichadaipâ lymâ ei ta, certifcate nohthlahpa hneituhpa K Lalmuanawma, Edenthar Veng cha pahnopapuapa ta, bie hiahrihpasiapa a châ.

K Lalmuanawma chata, M.A certficate cha computer âchulâhpaJoseph Laldampuia (25) s/o F Lalmungliana, Tuikual South nata ama pachutuhpa pakha ta Rs. 5,000 cheihpa ta ama taopa tahpa a phuah.

Certifcate nohthlahpa taona chôchâh he alaichadaipa ta - Joseph Laldampuia nata K Lalmuanawma hleikhôta, Roluahpuia (27) s/o J Lalkima, Chawlhmun, Aizawl zy cha Police zy heta ama patu hapa a châ, Court pasaina ta zãhnia khata jail liata ama khôpã ha.

Document nohthlahpa taotuhpazy he Original Certificate cha scan-pa ta, ama panano.

MA certifcate hleikhôna heta, marksheet nata driving license-zy chhao vaw tao hôlô bâ ei ta; document nohthlahpa taotuhpazy cha Indian Penal Code (IPC) ry liata kô 7 jail liata patãhpa hleikhõta, phusã pacheisa theipa ama châ.

- VANGLAINI