Football : Transfer Bielôhawhpa

Chelsea chata ama Belgian Midfielder Eden Hazard cha Real Madrid hnohta £170m ta zuah awpa ta a mâ ama pasâh. (Mirror)

Napoli president Aurelio De Laurentiis chata ama manager parohpa, Maurizio Sarri, Chelsea mohôh hatuhpa cha, club mianopazy likah liata adaohna hropa y khao aw vei, a ta. (Goal)

Manchester United manager Jose Mourinho chata Leicester defender Harry Maguire lapangia awpa achhuah lymâ chy ta, Maguire mâ liana heta £65m chhao a pasaih aw, tahpa reihpa ta, anodeikua Marcos Rojo, Eric Bailly tlyma Chris Smalling tlyma zuah papua tua awpa â chhuahpa hawhta reipa a châ. (Mail)

United chata Anthony Martial, kô 22-ta uhtheipa cha Old Trafford liata châh chy awpa ta a Contract pasihsa via awpa achhuahna cha panano thlâh ha thei ei ta; he French forward he a Contract hmiatuapa liata kô 2020 taihta châh chy awpa ta tahpa a châ. (Mirror)

Brazilian midfielder Andreas Pereira, 22, chata United manager Mourinho hnohta kheihawhpa su liata rai ama pakhaihsana lia maihta â mâ thlâh ha, a ta. (Manchester Evening News)

Arsenal chata Borussia Monchengladbach Swiss goalkeeper Yann Sommer, 29 lapangia awpa ta a daoh amâ chhuah. (Express)

AS Roma chata Gunners kaovaihtuhpa Petr Cech, 36, cha Liverpool hnohta ama zua hapa Alisson thlatuh awpa ta lapangia amâ chhuah. (Sun)

Atletico Madrid chata Chelsea French striker Olivier Giroud, 31, loan ta lapangia n’awpa dâh ama teikhâ khai. (Sky Sports)

Manchester City chata midfielders Douglas Luiz, kô 20-ta uhtheipa Brazilian, nata Brahim Diaz, kô 19-ta uhtheipa Spaniard zy cha Season thiehpa liata Squad liata ama pahlao ma, tahpa pasia thei mâh vei ei. (Manchester Evening News)

Tottenham cha Aston Villa midfielder Jack Grealish lapangia thei awpa duasu liata a duah hai ei ta; he kô 22-ta uhtheipa mâ he £20m rachhôh a châ. (Sun)

Liverpool ta ama lapangia thiehpa Naby Keita chata ama manager Jurgen Klopp ta a palôh pahnie tu ha ta, Bayern Munich nata Barcelona hruana a pyh leipa ta Liverpool a ngai hapa a châ, a ta. (Independent)