Khazohpa bie vâta US$ 2.5 million dythatuhpa Basketballer Stephen Curry

Basketball ataopasuana khizaw liata peimawh chaipa miakha cha – na pôh a pahrei awpa châ ta, tha nata zâh na hnei awpa châ ta, na doh a seih awpa a châ hra. Mataw-matihpa, tha nata zâh a hnei leipa châta mapi-malaipazy ateilyuna Basketball khizaw liata a pielyu thei rimâ awpa châ leipa ta, alâluah thei rimâ awpa châ tyh vei. Anodeikuala, Golden State Warriors châta kyhtotie tah thei awpa, Stephen Curry deikua he cha 

Atliata liana khata NBA liata Player âlâluah chaipa pakha nata Krizyh pha ngâsâpa Stephen Curry chôchâh liana heta biethâh nahcharao kawpa pathli ta; cha cha Sports chhaichhi lâchhâh taotuhpa - Nike ta a pheiky â ky awpa ama taopa awpa liata Biehrai bie apachohsa khohpa vâta Nike ta ama pheiky taopa pakysa ta, sôh pie awpa amâ chhuahpa cha amâ sysai lilaw ha heih, tahpa a châ. Social Media nata Website thokha liata ama palâsana dâh chhochhi ta cha – atahmâ NBA Season liata 2-na Golden State Warriors ‘point guard’ Curry he Nike ta he hawhta ama pheiky taopa pakysa awpa ta ama khoh heih leina chhâpa he a pheiky liana heta Biehrai bie - Philipi 4:13 bie kha pachohsa cheingei awpa a khohpa vâta a châpa hawhta reipa a châ.

Nike heta he hawhta Curry ta a pheiky liata Biehrai bo nata châh a palâsapa he khoh leipa ei ta, ama likah liata biehraina (Contract) chhao ama phie hapa hawhta reipa châ ta; Curry chhao heta a pheiky liata Biehrai bo nata châh pachohsa theituh awpa Company hropa a hmôpâ ha heih hra, tahpa ta Conservative Angle ta a palâsa. He hawhta Nike ta ama biehraina ama phiepa vâna heta Curry heta kôchareihta $2.5Million a pahlei aw, tahna a châ. Krizyhpa a châna palâsa lei awpa hlâta cha khizaw sôh pahlei awpa â tlyh via ha, tahna a châ.

            Atahmâ Mara thyutliazy ta ama pahâh kawpa, Basketball khizaw liata âlâluahpa nata atakô NBA Season liata LeBron James nata a viasanah Cleveland Cavaliers pahnie leipa ta NBA Nyungiapa pabohsa thei khao leipa, Golden State Warriors Point Guard nata NBA Most Valuable Player (MVP), a moh pôhpalôhpa - Wardell Stephen ”Steph” Curry II he târi 14, Pamih, 1988 liana khata vaw pih ta; NBA thâtih liata kulâ âdo chaipa, ‘The greatest shooter in NBA history’ tahpa ta ama vaw awpâ ngâkawpa a châ. Kô 2014–15 NBA Season liana khata Curry heta Golden State Warriors cha kô 1975 rakha tawhta a eikhana awpa ta NBA Nyungiapa a chalokhei hleikhôta, Player pha chaipa “NBA Most Valuable Player” ta atlyhpa châ ta, NBA thâtih liata a chakhiana zie ta Vote pathlapa y leipa (Unanimous) ta MVP atlyhpa a y chhôhpa châ ta; atakô Season liana khata Golden State Warriors cha NBA thâtih liata tlô parei chaipa châ khei heihpa ta, â zaopa ta ei 73 po ama vaw tlô hrapa kha a châ. Krizyh pha kawpa, Stephen Curry heta Achhyna-O liata â tyhpa laihsa sia kawpa, Ayesha cha lahpinô ta hneipa ta; amâ hnei nota hmosaipiepa (Gift) pie â chhuahtuhpazy cha ama hmosaipie awpa ama vaw cheipazy cha mohropazy baona châta tlao pie chyu awpa ta amâ haw. 

Atahmâ he nôvah lôraoh kawpa châpa ta, Khazohpa tawhta sathei nawhly byhnâ ama topa sawchanô, thla 18 ta uhtheipa Riley ama hnei hai.