Mara Officer a mopâtlâhpa

Govt of Mizoram ry liata Commissioner & Secretary rai ahria haipa Puhpa KT. Beicho cha  Sawhkhâ Programme peimawhpazy vâta Lawngtlai lâ sie ta, â zâ liena lâ liata ama hmia liata nô machâpa chôchahrei achhôpa ta aky liata Dawhkiah phaopa ta a sie laih ngâpa he va hmô ta. A kiapâh ava tlô nahta a Motor cha paduasa ta, Motor chhôh tawhta puapa ta nô machâpa cha bie achho ta.

Nô machâpa he Maubuang khihpa châ ta, ama khih tawhta 3 kms. tlai â hlapa liata lyu hnei ta, nohchareih chôchahrei sâno achhôpa ta a lyu lâ he a sie tyh.

Puhpa KT. Beicho heta nô machâpa hriapasana he pasâhsa ngaita ta, a rai liata ngâ âchhih zie nata a tiama zie a hmôpa heta a palôh pahnie ngaita kaw ta. A byh tawhta phusâ thaohpa ta nô machâpa hnohta Vitamin a chalei nawpa ta a pie.

Nô machâpa heta aly ngaita kaw ta, khei hawhpa pho ma na châ tahpa ta hiahri ta. Puhpa KT. Beicho chata, "Lakher pa na ei châ" tahpa ta achhy ta. "Abeipa ta keima châta eina vaw tuapapa na châ hih" tahpa ta byhnâ hluhpi to awpa ta nô machâpa heta Puhpa KT. Beicho nata achhôhkha zy châ heta byhnâ a awpâpa hra ei.