'MESSI HE EI IDOL A CHÂ NGÂTHLÂH HA AW' - POGBA

France ta 4-3 ta Argentina ama pahniena akhaihpa a chhâ tawhta, zawpi mo a la kawpa miakha cha France midfielder Paul Pogba ta Argentine Captain Lionel Messi kei chakupa ta, a hna a kei pangâpa kha a châ. Kazan Arena liata Goal suah ta, goal 7 po a ngia ta; châhrasala, Pogba ta Messi a kei chakupa khata chyhsa hluhpi mo a la via ha.

Nigeria ama pahniena liata a tao tyhpa taopa ta goal khôpa ta, Messi ta Argentina châta rRound-of-16 liata hnabeiseihna a ngiakhei hrasala, France hmiakô liata deikua ama pao haw. World Cup Round of 16 liata minute 666 chhôh goal khô leipa, Messi ta goal khô heih leipa ta, palôh-y kawpa ta FIFA World Cup nyungiapa cha a pathlie ha heih.

Akhaihna a chhâ tawhta Pogba ta Messi he kei ngaipa ta kei chaku ta, a nahkao liata khâpa a kei reih, tahpa deikua pahno khao ma pi.

Pogba heta Argentine Superstar Messi he a reithai hmeiseih - “Kô hrawh chhôhta Football liata a pha chaipa ei hmiachhypa cha, â pielyuzie moh na ta, ano tawhta athata ei chu. Messi ta Football kyh na pachâsapa ta na patlaichhaisa ta. Ei IDOL a châ ngâthlâh ha aw,” tahpa ta TyC sports ta amâ pakyhna liata a rei.