Nigeria Captain Mikel kha avaw chhyu kaw tlai na!
 |
Nigeria ta Argentina ama pahnie leina akhaihna, Nigeria châta palôh-y a chhih kawpa kha eima mo chyu na ta pangiasa a chhih ta. Châhrasala, Nigeria Captain Mikel Obi kha a paw (father) moleipazy ta ama paru/hraih (kidnapped) tahpa pahno thlãh hana chôta â khaih tahpa pahno ngyu ma pi!
Report ta a palâsana dâhta, Nigeria nata Argentina amâ khaih ngâ nona khata, Nigeria captain Mikel paw cha Nigeria liata moleipa py miakha ta patupa ta, hraih ei ta. Obi heta he chôchâh he pahno thlâh ha ta, anodeikua a viasanah nata coach zy pahno awpa ta a palâhâh khiahta cha, amâ khaihna liata hmahta palôh pie thei khao lei y ha la ei, tahpa china vâta phuahzâh leipa ta, anodeita palôh liata paveih thlâh ha ta, a râh châta akhaihna peimawh kawpa cha á khaih patlô ha tua awpa tlao â tlyh haw!
 |
| Mikel paw |
ESPN.com ta ama reina dâhta, Obi heta "Pua ei maoh khai hapa ta ei pahno. Khâpa ma tao awpa tahpa chhao pahnothai khao leipa na ta, châhrasala, keimo sahlao miah a mokhâhtuhpa nata hnabeiseihna chôta miah saituhpa Nigeria zawpi 180 million zy hnabei pady awpa khoh vana. Pahnolei a pachâpa ta akhaihna hmiachhy awpa cha tlao ei tlyh haw. Moleipazy heta biehneituhpa lâta ei tlôkhei khiahta cha ei pâ cha ama kasao aw, tahpa ta biesakã eina vaw hra ei."a ta.
 |
| Mikel paw patutuhpa moleipa py hyutuhpa |
Vâhneichhih kawpa ta Obi paw he Nigerian police zy ta ama pachhapapua ha.
Nigeria Football team deikua vâduachhih kawpa ta Argentina pahnie leipa ta Round of 16 a ngia khao vei ei.
