Nôpipa kô 92-pa ta a sawchapaw kô 72-pa kasao

Kô 92-ta uhtheipa nôpipa pakha ta a sawchapaw, kô 72-ta uhtheipa cha meithei ta a kasao. A sawchapaw heta a nô he machâ nôpi-pawpipazy mohôhna liata so awpa â chhuahpa vâta a nô heta a kasao hapa a chã.

He nôpipa, Anna Mae Blessing he lianycheina biebuapa (first-degree murder) pa-aopa châ ta, chaihrai hmâpa ta chyhsa tlahnaopa biebuapa nata chyhsa parupa (kidnapping) biebuapa pa-aopa a châ hra.

He hmo he Arizona, USA liata a tlôpa chã ta. He nôpipa heta Police zy ta a O liata ama kei patu nota, O tawhta amâ kaw chhipapuapâ ta, a sawchapaw a thi hapa cha kei uahnaopa ta, "Ei hrona na lapa chi ta, keima chhaota na hrona ei cha lapa hra khaw," a tahpa hawhta report ta a palâsa. He nôpipa heta a sawchapaw a thie khai tawhna heta anosasyh chhao â thiepã awpa â chhuah hra, tahpa Police hnohna heta a rei.

Police-nah kiah liata â phuahna dãhta he nôpipa heta a sawchapaw ta Machâpazy mohôhna liata so awpa â chhuahpa vãna heta noh hluhpi chhóh cha palôhru riethei kawpa ta vaw y ta, a chhâna lâta cha a sawchapawpa he thie awpa bietluna a tao hapa a châ.

He nópipa he a sawchapaw nata a va-ianô zy kiah liata khih a sapa a chã.

- Indiatimes