'SELFIE'-na liata a sawchapaw kô 4-pa chavah tilai haipa liata pathla tlamaw!

Namakkal: Zâhnia khata Karnataka State, Namakkal liata paw pakha cha Cauvery chavah tily a chatlao haipa kiah liata phone ta nohthlah a la (Selfie)-pa á chhuahna liata a sawchapaw, kô 4 ta uhtheipa cha Cauvery chavah liata pathla tlamawpa ta, Cauvery chavah tily chahra kawpa ta a sawchapaw he pachha hmâ khao lei awpa ta a phaoh syulyu haw!

He chapaw hawti ngiachhiechhih kawpa he Karur, Dhanvanth, Karnataka liata Kindergarten liata a kiah haipa châ ta. Cauvery chavah lâ he a paw heta avaw chhipa ta, a nô deikua O liata a y. A paw Babu heta Cauvery chavah ti lai kawpa cha a nohthlah â lapa (Selfie) liata palâsa awpa a khohpa vâta hleidy tawhta phone ta nohthlah á la ta.

He nona heta a sawchapaw, kô 4-pa cha a pyhpa ta, nohthlah á la awpa ta â pachhuahpanohpa cha, eikhapi ta á pachyhparyh lei chhôhta a sawchapaw he chavah tily a chatlao haipa liata a pathla hapa a châ. Vâduachhih kawpa ta he hawti ngiachhie a chhi kawpa he pachha hmâ khao leipa ei ta, a ri chhao he thâtih pachhuahpanoh hai nona heta hmô mãh vei ei.