Congo : Ebola pasana vâta chyhsa 67 ama thi ha

Africa rahhlypi liata DR Congo râh liata pasana chichhihpa, EBOLA pasana hri charei haipa liata August thla chhôhta chyhsa 67 ama thi ha tahpa biehneituhpazy chata reihpa ta, he EBOLA pasana hri adyuh awpa heta thohna ama raihpapua hai. 

Târi 1 August 2018 liata Mangina, North Kivu, Congo liata Ebola pasana a hneipa ta pangiasapa chyhsa 105 thisaih ama mopasiapa tawhta, chyhsa 77 ta he pasana he ama hnei tlai tahpa hmôpapuapa châ ta. He hryta chyhsa 11 ama tlâh ha nota, chyhsa 67 deikua vâduachhih kawpa ta he pasana vâna heta ama hrona ama pahlei.

DR Congo Health minister Oly Ilunga Kalenga chata Mangina tlypa ta, he liana heta tlâhleipa panozy cha thohna thiehpa ‘mAb114’ hmâpa ta mohôhpa ama châ tawhta a tlâhbohpa ta thohna-O ama puasai, tahpa a rei.