ECM HQ THÂTIHTHIEHPA
ECM HQRS NEWS FOR 26 AUGUST, 2018
1. Moderator: Date 25 August, 2018 (Sat) khata Rev. VL.Ngaia Hlychho, Moderator chata Mizoram People Forum (MPF) pachhuahpanohpa ‘Seminar on free & flair Election’ programme ECM Moderator & President MPF a châna hawhta 1st session seminar a chhihtha. He Seminar he Presbyterian Awnano Hall, N. Colony liata hneipa a châ.26 August (Sun) heta MPF programme Local Church nano nanopa liata â hmâkhei hra aw
2. MISSION NEWS
1. Arunachal Mission.
1). Abeipa baona vâta ECM Concentrated Area liata Youth Motivation cha hnei pazao ngâhaipa a châ. Atahmâ he Local Church 5 zy liata youth motivation program he a pha kawpa ta hnei khai hawpa a châ. Biepipa châta ‘Youth and Christian Education’ hmâpa châ ta, atahmâ he local church 2 zy liata he program he hnei pazao ama bah. A pha kawpa program ama hmâh thei n’awpata Awnanopazy ta thlahchhâkhei awpa ta maniah ama haw.
2). 20 August, 2018 pa liana khata Pastor Lohit, Tezu church cha lôpo pasana NEIGRIMS hospital liata operation chhao hnei awpa ta Shillong lâ Pastor Lalnunhlima ta a siekhei. Pastor Lohit he ECM Missionary zy ama chakaona kyh liata adeichhytuh chaipa a châ. Operation hlaotloh kawpa ta ama tao thei n’awpa nata atlapasia thei n’awpa châta thlahchhâkhei suh vy.
2. Mising Mission.
1). Date 19 August, 2018 liana khata Tayang tawhta manoh 2 nata Bahguri tawhta manoh 1 zy Rev. L. Lychhua ta bati a pachasa ei.
2). Immanuel Youth, Bahguri nahzy cha Majuli Awnanopazy tly n’awpa ta daihti rypaohpa ama hneina daihti liata amâ hlao tyh.
3). Holy Grace School liata krizyhpa hawtinahzy châta thlahchhâ awpa ta maniah ama haw.
3. Odisha Mission (Kandhamal)
1). Kandhamal liata tahma no he nohcharei memberzy o to liata thlahchhâkheina hneipa a châ.
2). Aryhpaohna dâh nata mo pakha apasaina hawhta ngiapâleipa zy pakyhna nata thlahchhâkheina chhao hnei haipa a châ.
3). Kandhamal Awnano member chhôhkha 1 cha sahhma zuah ama châ. Ama nie tluana chai a châpa vâta pachhasa thlah a ryh hmeiseih thai leipa ta, he chhôhkha zy he nie tluana hro ama hnei thei nawpa nata ngiapâna liata ama duah ih thei nawpa ta thlahchhâkhei ei suh u.
4). Thyutlia Nirama Digal cha 21 Aug 2018 khata tlahlei ta, a serious kawpa ta a lâ, dt 22 Aug khata eima Missionary zy ta thlahchhâna hnei ei ta, Khazoh ngiachhiena vâta vaw hua via lyma ta, tlahna pha a vaw hnei thei nawpa ta Awnanozy ta thlahchhâkhei suh vy.
5). Evan. S. Lalduhawma chhaota Oriya reih âchu lymâ ta, Abeipa ta sona pie sala hmah a sie lyma thei nawpa ta thlahchhâkhei suh vy.
6). Pi K.Maduati (Evan. Beirôna lahpinô) chhao Khazohpa phana nata Awnanozy thlahchhâkheina vâta 25 Aug 2018 heta Nectar, Shillong su liata a training a chhâ aw. 28 Aug heta a yna awpa Odisha lâ â lie aw ta, a palâ kawpa ta a tlô thei nawpa ta thlahchhâkhei suh vy.
3. GENERAL NEWS
1. Pastors’ Conference: 29 & 30 August, 2018 (Wed & Thursday) ta Siaha Vaihpi Local Church liata Pastors’ Conference hnei awpa châ aw ta, Pastor zydua châta thlahchhâ sih la, Conference pha kawpa nata hlaotloh kawpa ta ama hnei thei n’awpa ta thlahchhâna ta bao suh vy.
2. Chhaolô lâta Crusade hnei : Pihnô A. Dinia, Revival Speaker Chhaolô Local Church liata Crusade speaker châpa ta chakaona a hnei hai. Awnanopa ama ly kawpa hawhta bie daopa a châ.
3. Rev.KC. Thangching nata Pro.Pastor Joseph Hlychho zy ta Shalom Local Church liata Crusade hneipa ta program ama hmâkhei hai.
4. Machâ S. Chôkhai, Revival Speaker chhao Vahia Local Church liata Crusade a hnei khai ha hra.
5. New Colony Local Church liata August 20, 2018 tawhta Machâ C. Heihra, Speaker nata Machâ C.L.Khulua Director ta hmâpa ta Revival Crusade ama hnei hai hra. Khazohpa ngiachhiena a thiehpa ta ama to lymâ thei n’awpa ta thlahchhâkhei suh vy.
6. KPP Exe.Comm: Date 5-7, October, 2018 ta ECM KPP Hqrs Executive Committee meeting ei 5-na cha ECM Local Church, Chhaolô liata hneipa châ aw ta, Branch pakha tawhta Agenda sâthôh (3) hlâta hluh via leipa ta September 15, 2018 hlâta pangia chyu awpa ta ama pahnosa.
7. Maraland Gospel Centenary Hospital: Date 16 Aug-23 August 2018 chhôh report:
1). Tlahleipa âpamosapa zie - 75
2). Tlahleipa admitpa zie – 47
3). Ultasound mopa zie – 36
4). X-Ray – 15
5). ECG mopa zie - 6
6). Endoscopy mopa zie – 12
7). Hawsaih pihpa zie – 2
8). Operation hneina zie – 3
8). Athipa - 1
7). Emergency case - 18
Biehnawh : ECM Communication Department.
