India Maw-nochhi State CM hryta ahy hneirô chai?
India Maw-nochhi he India râh liata Chief Minister dyhchhie chaipa yna tyhpa kha châ ta, ano cha ahy hropa châ leipa ta Tripura CM, Manik Sarkar, Tripura CM parohpa khâ châ ta. Kô 2018 liata a affidavit liata a palâsana dâhta cha sôhthih lâta pachâsa theipa Rs 33 lakh hnei ta; sôh a ku liata a vao haipa Rs 3,930 a hneipa kha a châ.
Anodeikua, atahmâ ta India Maw-nochhi State zy liata Chief Minister zydua rô he CROREPATI (MILLIONAIRE) châ khai ha ei ta; cha hryta Arunachal Pradesh CM — Pema Khandu hneirô chaipa ta, kô 2014 liata a affidavit hawhta cha Rs 129 crore a hnei.
He ary liatapa he Maw-nochhi State 8 Chief Minister zy hneirôna dâh cha a châ :
ASSAM
Sarbananda Sonowal: He kô 56-ta uhtheipa Assam chief minister, Majuli constituency tawhta a tlohpa heta, kô 2016 liata a palâsana hawhta cha Rs 1 crore a hnei.
ARUNACHAL PRADESH
Pema Khandu: Kô 39-ta uhtheipa Arunachal Chief minister, Mukto constituency, tawhta a tlohpa heta Rs 129 crore a hneipa hawhta kô 2014 a affidavit liata a palâsa.
MEGHALAYA
Conrad K Sangma: Kô 40-ta uhtheipa Meghalaya Chief Minister, South Tura biatuhpa heta atliata liana khata Rs 5 crore hneipa hawhta a palâsa.
NAGALAND
Neiphiu Rio: Nagaland Chief Minister kô 67-pa Northern Angami II biatuhpa heta Rs 36 crore a hneipa hawhta a palâsa.
TRIPURA
Biplab Kumar Deb: Tripura CM thiehpa, kô 48-ta uhtheipa, Banamalipur biatuhpa (West Tripura), heta Rs 2 crore hneipa hawhta palâsapa a chã.
MANIPUR
N Biren Singh: Kô 2017 liata a palâsana dâhta cha, kô 57-pa Manipur chief minister, Heingang biatuhpa heta, Rs 1 crore a hnei.
MIZORAM
Lal Thanhawla: Atakô ta State Assembly atlyhna hnei awpa, kô 76-ta uhtheipa Mizoram chief minister, Serchhip biatuhpa heta, kô 2013 affidavit hawhta cha Rs 9 crore a hneipa hawhta a palâsa.
SIKKIM
Pawan Chamling: Kô 66 ta uhtheipa Sikkim Chief minister, Namchi Singhithang (South) biatuhpa heta, Rs 10 crore a hneipa hawhta a palâsa. Ano he India râh liata Chief Minister a chá parei chaipa a châ.
Source :
No comments