Marasaw Thatlôpa 》KHIMY CHOZAH
A thatlôzie: Serkawn,Lôlei liata Siku a kia nota alô bô awpa satlia 6 ta amâ chatôkhei ngâpa cha,'Khah he kei tuasâ' tahta a laihtôh liata apu lymâ ta a tlôkhei syulyu thlâh ha.Cha rakha tawhta cha ama chi kaw sai.
Aizawl nata Lôlei likah liata ano deita a sie nota satlia thatlôpa 'Keima' â tahpa pa 5 ta abaopasu awpa avaw bykhâh ei ta.Lâpi dohkâh lâ tawhta ama zydua ta â paraohpa ta zâ zawhnao ei ta,ama 5-ta laikathi lâ a pazaw khai ha ei.Ama ngâ khao leipa vâta amâ râsai khai haw.
Lôzuachô liata kyhchhi sa pasyuna,beih kha 10-pa,bietalipa,ahy hmahta chalo awpa amâ ngâ leipa cha tlyhmia tawhta laikah lâ a khai syulyu haw.A khihpi ta no-âh tahpa ta ama mokhâ thlâh ha.
Adyuhpipa einona nota Tipâ liata CI ta soh ei ta.A tunô nô beih a chhopa awpa ta â sopâ ta.Cha a tunô nô cha pheisaih pathô ta hnabeiseihpa ta vaw charei ei ta,Khimy cha khôtho lâ pua chy awpa ta chho ei ta.A kholeipa vâta khôtho lâ papua rarua a chhuahpa ta abaopasu ei ta,ano ta ama pathôh ta khôtho lâ tlao a chati papua khai ha ei.Ama meithei tlai 3,amâ râsaipa cha chabapa ta ama Quarter Guard lâ cha khykhei ta ama hyutuhpa lâ kaw report ta,ama hyutuhpa chata hâta ei kha chhôh a hrie ei.
A nawhta Iahmô Chhaolô Beipa lahpinô châta Lytaih beipa Lalhluna Sietanô Sungchi ama pakia nota Khimy Châhpia/Wrestling/ pahao khopa vâta Lytai,Tlaopi,Lôtia,Vybu thatlôpa zydua tlô pakhy ei ta.Chhaolô beipa tlyhmia liata Khimy cha pahaopa ta apia ei ta,buakha chhôh dâhdei chhao amâ tlieh hlâta ama zydua ta pakha pakha ta a tai khai ha ei.Cha hawhta thatlô tlôpakhypazy hry tawhta pakha hmahta ama tai thei leipa vâta,'Khimy he a thatlô tlai na' tahpa ta ama khi lâ ama siesai khai haw ama ta.
No comments