Manipur liata no-âhchhih kawpa ta sahrohzy ama thi tyhpa alaichadai hai

“Preliminary report tawhta â lânazie ta cha he Churachandpur, Imphal East, Kakching nata Kangpokpi zy liata sahroh zy ama thi tyhna liana heta keichho/sahawh (civet cats) chikha â hniahnipa alyu kaw”

~Minister Shyamkumar
  Environment & Forest

Atahmâ nota Manipur liata no-âhchhih kawpa ta sahrohzy thiepa ama châna kyh liata, Manipur sawhkhâ chata Wildlife Institute of India liata athaisopazy alaichadai awpa ta hrua ta. Âmo heta he hmotlôpazy he alaichadaipa ta, Manipur Zoological Garden-liata râhsa nano nanopazy pati niena dâh (pattern) amâ chupasiapâ hra aw.

Churachandpur district-liata sahroh thi chiehpa ama hmôpazy he Autopsy lapa châ ta,  report tawhta â lânazie ta cha sahroh thipazy hmah phaona dâh cha râhsa hâh tiah kawpa hniehnôh a châpa ta â lâ ta, he he alaichadaituhpazy ta ama reina dâh a châ hra.

He hawhta sahrohzy no-âhchhih kawpa ta thiepa ama châ tuana noh cha October 27, Churachandpur district-liata Chiengkawnpang khih liata châpa ta, he liana heta awh nata typhy khazie rakhama thiepa châ ei ta. He hmoa tlô tawhna heta hmo yzie avaw laichadai awpa ta Special Surveillance team-zy padua taraw hra ei sala, sahrohzy chôta peihriana he a zie-y via hlei leipa ta, su nano nanopa liata a tlô baichhi lymá.

Chutyh noh khata Thoubal khih liata vaotaw ri, a pôhpa â khophie nie khaipa ta hmô heih ei ta. He hláta heta Kangpokpi district-liata viahchaopanô sawphaohpa, a ki sâno ta ama thlo hapa hmôpa châ heih ta; Kakching district-liata mietakupa sâno, ama chhôh-rih zydua khi khai ha chiehpa ta hmôpa ama châ hra.

Zawpi nôpopa nata noraihpa chata he sahrohzy thietuhpa ta ama pangiasapa sahawh/keichho (civet cats) zy ka a chhuahpa ta meithei chhaota hmahla achhuah ei ta, anodeikua forest minister chata he râhsa civet cats zy he pabohsa/protected species-pa ama châpa vâta ka lei awpa ta â haw ei.

He hmotlôpa alaichadaituhpa Wildlife expert-zy final report daopa a châ hlâ via cha bietluna tao theipa châ mâh vei, Forest Minister Shyamkumar chata a ta.

Source: The Indian Express