Premier League : Liverpool ta Arsenal 5-1 ta pahniepa ta EPL liata hmia a sah pazao lymâ

Liverpool ta Premier League liata hmia amâ sahna pa-ipacha via lymâpa ta, ama tlyliah Anfield liata ama khichhaipa, Arsenal cha Roberto Firmino hattrick hmâpa ta 5-1 ta vaw pahniepa ta, Point 9 ta hmia asahpa ta, khaih 20 chhôh pahnie leipa hnei leipa ta ama lâthlôh a palâ lymâ chy.

Zâhnia zâ (29.12.2018) akhaihna liana heta minute 11-na liata Ainsley Maitland-Niles ta Alex Iwobi ta ball avaw pathluahpa tawhta Arsenal hmia a sahna za khô ta, hnabeiseihna ama kaw hnei pasâh kaw.

Châhrasala, akhaihna hropa liata âmo a kaw pazituhpa, Tottenham cha Wolves ta ama pahnie tahpa a pahnotuhpa Liverpool ta thapi phiapa ta Arsenal he teipaliepa ta, 1^st half liata 4-1 ta hmia amâ kaw sah syulyu ha heih.

Firmino ta Arsenal defender-zy atymâ haipa hmâh phahnaipa ta Liverpool châta sikhana za khô ta; Sadio Mane ta minute 32-na liata Liverpool hmia a sahna za khô heih hra ta. Mohamed Salah ta penalty tawhta za khôchhi heihpa ta; Firmino ta si no za khôchhipa ta hattrick tao ta. 5-1 ta pahniena topa ta, Table liata point 9 ta hmia amâ sah haw.

Khaih kha ta a khaih chyh viapa, Manchester City hlâta Point 10 ta Liverpool he â sâh via ha ei ta; târi 3, Nawh, 2019 liata Etihaad tlyliah liata Liverpool ta Man City ama kei tly tita pahniena ama to heih tlai khiahta cha atahmâ Season cha ama vâdua kawpazy a châ vei khiahta cha ama Champion thlâh ha thei bâ.

Results & Point Table