Meghalaya : Lôkâtheipa khaoh liata chyhsa 15 â tâhpazy pachhapapuapa châ mâh vei ei

Târi 13, Di 2018 liata Meghalaya liata lôkâtheipa khaoh liata â tâh hapa, chyhsa 15 zy cha he thâtih pachhuahpanoh hai no taihna heta pachhapapuapa châ mâh leipa ei ta; Indian Navy Diver zy ta he chyhsa 15 zy pachhapapua awpa heta thapi ama phia hai.

Meghalaya liata dâh pasai leipa ta lôkâtheipa chaopapuana khaoh liata â tâh haipa, chyhsa 15-zy he târi 13 Di liana khata lôkhaoh liana heta â ngia ei ta, vâduachhih kawpa ta chavah tilapia eikhapi ta lôkhaoh liata â vaw ngiapa ta he chyhsa 15-zy he pua thei khao leipa ta amâ tâh hapa a châ.

He thâtih pachhuahpanoh hai no taihna heta ama thâtih khâpa hmahta pahnopa châ mâh leipa ta, Kyrmen Shyll, Meghalaya Disaster Management Minister chata, "Ama hrona cha Khazohpa ku lia deita na â pahnieh ha bâ” tahpa ta hnabeiseihna a chyhna zie a rei.

Henah zy pachhapapua awpa ta National Disaster Response Force (NDRF) nata State Disaster Response Force (SDRF) zy ta ama vaw teina cha chhaichhi ama hnei pha leipa vâta yzie hnei tu vei.