Ed Sheeran ta chyhsa hla a paru?

US liata Judge pakha chata atahmâhlâ khizaw liata hlasathaipa alâluah chaipa pakha, Ed Sheeran ta a hla sâkha cha Marvin Gaye hla, “Let's Get It On” tahpa hla a parupa tawhta a phipa a châ, tahpa ama baina biebuapa pachhâsa awpa ta a tahpa cha a dytha.

Ed Sheeran ta he biebuapa pachhâsa awpa ta â hawna cha District Judge Louis Stanton chata pachiatuhpazy ta bietluna ama tao aw, tahpa a dytha.

Judge Stanton heta he hla mianopazy heta alyuna ama hnei, tahpa a hmôpapua hôlô, tahpa ta Ed Sheeran he thailei a pachâsa thlâh ha thei.

Sheeran heta he a hla, “Thinking Out Loud” he kô 1973 liata alâluah kawpa, Marvin Gaye hla nahta alyuna hnei vei, tahpa ta a thaichâna bie a reih ngâkaw hra.

Biebuapa pangiatuhpa he Marvin Gaye hla, “Let’s Get It On” hla producer nata hlabie rohtuhpa liata a hlao hrapa, Ed Townsend ta a pangiapa a châ.