Iphone 4 a khoh tu hapa vâta a lôpo a zuah!

China liata chapaw thyudyupa pakha chata Apple iPhone 4, a khoh tu hapa vâta a lôpo a zuah.

He chapaw thyudyupa, Wang tahpa ta pahnopa heta he a kho kawpa iPhone 4 a hnei thei n'awpa heta, Wang heta a lôpo sâkha viapa $3,200 USD ta a zuah. He a lôpo zuana sôh heta a kho kawpa Iphone chalei n'awpa cha a hnei thei ha tlai.

Châhrasala, vâduachhih kawpa ta he a hmotaopa heta a hrochhôhta chiehleipa ta a pa-ysa ha aw.

Wang he a lôpo ama âpapua nona heta ama âna dâh pha tu vei tahpa pahnopapua ta. Ama lôpo ama âna hmahzô he pha thai khao leipa ta, a lôpo sâkha viapa chhao a paraopâ lao ha. Kô 17-deita uhtheipa Wang heta a hrochhôh cha rakhô chô liata a hmâ awpa â ngiah ha bá. A nô nata paw zy hra ta mohôhna awpa sôhthih hnei tlô leipa ei ta, ama nôpo ngaita kaw.