Manny Pacquiao : Boxing tawhta a hlaopa 50% rietheipazy nata heihlyuleipazy baona châta pie tyh
Zâhnia January 20, 2019 my khata khizaw hâdypa, Boxing achôna liata Filipino boxing champion Manny Pacquiao nata American boxer Adrien Broner zy kha amâ chô tahpa eima hmô chyu. Kô 40 a tloh hapa, Manny Pacquiao heta ano hlâta hawti via syulyupa, Broner he a pahnie chaimâh tahpa chhao kha achôna a mohtuhpazy ta cha eima pahno chyu.
Kha Broner nahta amâ chôna tawhna khata Manny heta US $ 15.5 million a hlao awpa hawhta Forbes chata ama palâsa. Manny heta atahmâ ta â chôna tawhta a hlao awpa zydua tawhta 50% cha riethei sipasapazy nata heihlyuleipazy baona châta a hlâ aw tahpa a reih ha hra.
Manny heta boxing tawhta a hlaopa 50% he khahlâ tawhta riethei sipasapazy nata heihlyuleipazy baona châta avaw hlâ tyh raipa kha a châ.
Manny he Krizyh phapa, Khaxohpa a pahno kawpa chyhsa châ ta. Riethei kawpa duasu liata â dua tawhta a kaw duahpapuapa a châpa váta a châna my beih vei.
No comments