CANCER pasana patlâh theituhpa Thohna ISRAEL Scientist zy ta taopapua
Khizaw su nano nanopa liata chyhsa hrona thysâh hluhpi la hatuhpa nata la haituhpa pasana rarô ypa - 'CANCER' cha ISRAEL scientist zy thohna hmôpapua thiehpa zawzi ta pahniepa ta a y bâ awpa alyu kaw bâ!
Israeli scientist zy chata Cancer pasana patlâh theituh awpa thohna/amohôhna ama hmôpapua tahpa phuahpa ta, he thohna he hâkô 2020 tawhta cha Cancer pasana ahneipazy mohôhna châta ama hmâh thei bâ aw, tahpa ama phuah hra.
He Israeli Scientist-zy ta Cancer mohôhna/thohna thiehpa ama hmôpapuapa he MuTaTo, tah ei ta, Accelerated Evolution Biotechnologies Ltd. (AEBi) ta ama taopapuapa a châ.
MuTaTo he atahmâ ta Cancer ama mohôh tyhna dâh nahta khâpa â lyu leina?
Dr Morad, CEO of AEBi chata 'MuTaTo' heta Cancer pasana mohôhna hmâh haipa ta a tao thei leipa a tao thei ha aw, a ta. A reina dâhta cha, atahmâ ta Cancer pasana mohôhna hmâ haipa heta cha Cancer pasana yna pôhpa/sapa pachiahpa tawhta su hropa lâ pasana kha pa-ysa pachhuah heih tyh ta, he vâna heta a mohôhna eima hmâ haipa heta yzie hnei muarua vei, a ta.
Dr Morad chata, MuTaTo deikua he cha â nano ta, cancer pasana kha kao thôh lâ tawhta â dyuh ha aw, tahpa ta, "Su thôh lâ tawhta adyuhna he cha Cancer pasana heta vaw pahnie thei khao vei," a ta.
MuTaTo taopapuatuhpa Israeli Scientist-zy heta he amohôhna dâh thiehpa heta cha atahmâ nota cancer mohôhna hlâta athata 'side-effect' pachyhsa via syulyu ha aw ta, tlâhleipa mohôh haipa châta cancer pahniena kyh liata thatlôna a pie via syulyu ha aw, ama ta.
He thohna he Pazu liata mopachhipa châ ha ta; chyhsapa liata ama hmâ pachhi tawhta a hlaotloh kaw khiahta la, Cancer pasana a hneipazy cha MuTaTo heta 100% ta a patlâh thei aw, ama ta.
Source - Indiatimes
No comments