‘Hunger Games’ star Jennifer Lawrence dyhchâ khôphei a kiah aw?

Hollywood Actress chhielei kawpa Jennifer Lawrence chata thla 9 chhôh amâ pazi tawhta a vâ-iapaw, Cooke Maroney cha hrochhôh châta thlai tah khei awpa ta a pahawna (Engagement) a hneikhei haw.

Henah pano chôchâh heta ‘PageSix’ thâtihbu chata palâsapa ta, kô 28-ta uhtheipa, Film khizaw liata palyupalihna â sâh chaipa ‘Oscar Award’ chhao avaw chalo hatuhpa heta atliata liana khata a vâ-iapaw, kô 34-ta uhtheipa, New York khihpi ‘Art gallery’ hneituhpa nahta amâ pazina liata a ku liata apahawna kusadi laipâ kawpa â kypa hawhta ama palâsa.

He thâtih ama papua tawhta rei leipa liata henah pano he thlaita amâ hnei ha aw, tahpa cha biehnawh ngâtlâh kawpa ta a palâsapâ ha hra.

Jennifer Lawrence nata Maroney zy he June 2018 tawhna khata kyhpachâna khizaw liata vaw pao ha ei ta. Ama kyhpachâna chata paw pakai lymâpa ta thla chaki tlai amâ pazi tawhta syna opi hmaohkha ta paryh awpa ta lôhki kawpa ta thuaso ama soh hapa a châ, chhao eima tah thei aw.

Maroney nahta amâ pazi hlâna heta Jennifer Lawrence he kô 2017 liata a film ‘Mother’ director Darren Aronofsky nahta amâ vaw pazi ha hra.