M.Tech, B.Tech, MBA Degree hneipazy ta Sweeper rai ama hia
Na zo ma zo vei ma, hmo hmeiseihpa châ tlôh
ta, he he India râh liata hmo a tlôpa a châ.
Tamil Nadu State Assembly Secretariat liata
Ophituhpa rairuapa hiahtuhpa hryta M.Tech, B.Tech nata MBA hyhkha hleikhôta, MA
nata BA hyhkha amâ hlao.
Rai ruapa he Sweeper (Post 10) nata
sanitary worker (Post 4) châ ta. September 26, 2018 liana khata Tamil Nadu Assembly
Secretariat tawhta he rairuapazy he hia theipa a châ, tahpa phuahpa châ ta. He
rai hiah theituh awpa châta thaina/panuana cha chyhsa hri-iah pathaihpa nata he
raihria thei awpa ta thatlôna a hneipa tahpa hleikhôta, kô 18 hlâta hawti via
leipa tahpa dei a châ.
Châhrasala, he rai ruapa hiahtuhpa he
chyhsa 4,607 po pha ei ta; ama hry liana heta M.Tech, B.Tech, MBA, MA nata BA
hyhkha amâ hlao.
No comments