NE State 5 liata Assam Rifle zy hnohta biehneina lai kawpa piepa ama châ

NEW DELHI, February 22, 2019: Assam Rifles zy cha India sawhkhâ ta India maw-nochhi State 5 - Assam, Arunachal Pradesh, Manipur, Nagaland nata Mizoram liata patu pasaina (Warrant) a hlao leipa ahyrai patu pasaina nata mohpasia (search) pasaina biehneina a pie. Union Home Ministry pahnosana a papuapa liata a palâsana dâh ta cha, “Assam Rifles chyhsa ahyrai ta” he biehneina he Code of Criminal Procedure ry liata ama hnei aw, a ta.

Assam Rifles pheisaihzy chata he biehneina “sub-section(1) of section 41, sections 47, 48, 49, 51, 53, 54, 149, 150, 151 and 152 of the CrPC ry liata Assam, Arunachal Pradesh, Manipur, Nagaland nata Mizoram zy liata ama hmâh thei aw”, tahpa ta he pahnosana heta a palâsa.

Section 41 of the CrPC ta a palâsapa cha kheihawhpa Police rai, magistrate ta biehneina a piepa a hlao leipa ta nata warrant a hlao leipa ta, ahyrai ama patu thei aw, tahpa a chã. Section 47 liata cha chyhsa ama patupa ta a tlypa/yna su cha pasaina a ngiah leipa ta mohpasia theina biehneina a pie hra.

(PTI)