RUSSIA : A Vao zaopazy ta nôpipa ama nie!

Kô 56 ta uhtheipa nô pakha cha vaolao a piena liata a luh pahiapa ta pao tlamawpa ta a vao zy ta a hroh thlâh hana chôta ano cha tlao ama vaw nie ha.

He hmo he Udmurtia, Russia liata a tlôpa châ ta. He chanô he riapamie tyh ta, he vaolao a pie nona heta a riapamie hapa ma a châ ma, a luhpahiapa ta pao tlamawpa ta, â theihlô khao leipa ta ma vao zy heta ama vaw niepâ hapa ma a châ ma tahpa Police zy ta a rei nawpa pahno vei ei.

He vao nodi kawpa sahlaozy heta he nô he a hmia nie khai ei ta, a nahkao nata a ngiatlâh zy pua ama nie khai hmâ ha. A su liata a thipâ ha. 

Biehnawh ta a palâsana dâh ta ama paw he tlâh leipa ta, he hmo tlôpa chhao he charâ ta vaw pahno vei.