Sahma chhiepa dopa vâta chyhsa 70 ama thi

Haridwar/Saharanpur, Feb 9 (PTI): Uttarakhand nata Uttar Pradesh liata District mianopazy liata sahma chhiepa ama dopa vâta hrona a pahleipa zie cha 70 ama tloh ha.

He hawhta a châ nona heta mohropa 11-pazy chhao ama ri achupasiapa a châ tawhta sahma chhiepa váta a thipa ama châ nata châ lei pasiapa a châ aw, tahpa biehneituhpazy ta ama phuah.

Chyhsa 22 zy cha Uttarakhand state liata Haridwar district thotlâh khih Balupur nata a chheipâh khih liata a thipa ama châ tahpa Additional Director General (Law and Order) Ashok Kumar ta phuah ta. Mohropa 46 zy cha Saharanpur district, Uttar Pradesh tawhta Balupur khih liata sahma vaw dopazy ama chá, tahpa palâsapa a châ hra.

Uttarakhand liana heta chyhsa 20 cha sahma chhiepa ama dopa vâna heta mohôh haipa ama châ.

He sahma chhiepa vâta hrona a pahleipa hluh viapazy he Balupur khih liata a thihpa ri pabuna daihti amâ hmâ nota a dohpa ama châ.

UP nata Uttarakhand state sawhkhâ chata he sahma chhiepa dona chôchâh liata sawhkhâ chyhsa diathlâpa vâta a châpa ta pahnopa ta, sawhkhá chyhsa vâro tlai ama rai tawhta a pabâ.