Sahma chhiepa vâta chyhsa 78 ama thi

Assam Golaghat nata Jorhat District liata sahma chhiepa dohpa vâta a thipa zie cha pôh via lymâpa ta, atanoh taihna khata chyhsa 78 ama thi. Golaghat liata chyhsa 45 thi ei ta, Jorhat Medical College liata chyhsa 33 ama thi hra.

He sahma chhiepa ama dona su he Halmira thopi sahdô, Golaghat district headquarters tawhta km 5 rachhôh liata a ypa liata a châ.

Khihsawzy ta ama reina dâh liata cha he sahma chhiepa a dohpazy he thopi sahdô liata a hriapa hluh chai ei ta, sahma chhiepa ama do tawhta athata ama chhôh pasapa ta, ama hrona taihta ama pahlei lymâ hapa a châ. Chyhsa vâro tlai cha Golaghat nata Jorhat thohna-O liata mohôh haipa châ ei ta, ama duasu a pha lei kaw.

Assam Chief Minister Sarbananda Sonowal chata zâhnia chutyh noh khata he hmo a tlôpa alaichadai awpa heta biepiepa papua ha ta. Sonowal heta Upper Assam Division Commissioner Julie Sonowal cha he thina a tlôpa alaichadai para awpa ta a pahnosapâ ha hra.