Exclusive : Mara POH ‘Sticker’-ta a Car tobituhpa KC Sôtu

Mara satlia, KC Sôtu, USA liata khih a sa haipa chata Mara châna nata Mara chei-ô a zakhei leizie nata Mara chipho palâluahsa via heih awpa ta, pachâna thiehpa, pha kawpa hneipa ta, cha cha a Car liata a palâsa.

Satlia Sôtu he  a Car hmialâ nata pâchhô zydua cha Mara Poh Sticker hmâpa ta tobi khai ha ta, a hmialâ liata ‘MARA’ tahpa a rohpâ.

Satlia KC Sôtu he Nochhi Mara, Sosai khihpa châpa ta, Mara chi nata pho châna liata a siapa, a theina kao zydua ta Mara châna cheihchalo khohpa nata Mara reih hmahsiena châta a hneina nata tha nata zâh chhao i leipa ta a hmâh tuhpa a châ.

Siaha liata Mara Writers’ Club (MWC)-zy hnohta Mara Reih Achuna Video tao awpa ta ahawpa ta, ama hryuhna zydua chhao ano mopakha sôh ta â kaw tôh khai tuhpa a châ hra.

Satlia KC Sôtu, eimâ châ palaikhei ngaita kaw. Eima yna nochâchyu liata Marapa eima châna palâsa lymâ ei suh u.