Ama sawnah 13 taolatuhpa nôvah cha ama sawnah ta amâ ‘Ngiathai’
Eima vaw palâsa hapa, California, USA liata ama saw 13 taolapa ta,
riethei pataosatuhpa nô nata paw, ama patupazy cha ama sawnah chata, “amâ
ngiathai”, tahpa ama rei.
Henah nôvah, David nata Louise Turpin-zy he ama sawnah zy chata,
ama chô liata hrochhiepa palâsapa ta, athata taola hra ei sala, ‘Kyh ama pachâ
ngâthlâh ha chy’ ama ta.
Henah nôvah he January 2018 khata ama sawchanô pakha, kô 17-ta
uhtheipa ta ama Perris liata ama pahrâna-O avaw puasai tawhta ama thâtih he
pahnopa châ ta, ama patu hapa kha a châ.
Turpin nôvah-zy he kô 9 chhôh tlai ama saw 13-zy taolapa ta nata
nie lei doh leipa ta ama sohpa vâta thailei pachâsapa ama châ ha hra.
Ama thâtih na pahnopasia khoh khiah he he reih ma y
Ama nôvah heta ama hrochhôhta Lô-O liata amâ tâh awpa pangiasapa
châ ta; kô 25 khô lâta Parole ta ama pua thei aw.
Ama sawnahzy ta khâpa ama rei?
Henah nôvah he ama sawnahta Court liata ama nô nata paw ta ama
mohôhna dâh ama rei nota chana chôta ama chôta ryureina nahthlie ei
ta.Anodeikua ama sawnah heta ama nô nata paw zy cha kyh ama pachâ kaw, tahpa
ama rei chyu.
Ama saw pakha chata, "Ei nâ nata ei pâ he kyh ei pachâ ngaita
kaw ei” tahpa ta reih ta.
"Mohôhna pha kawpa hmâpa ta miah ama palaiseihsa taraw leipa
ta, atanohta he hawhpa chyhsa ei châ thei n’awpa ta eina vaw mohôhpa ei he ei
ly kaw."a tah hra.
"Eima kaw laiseihna liata eima hro ta â kaw tyhpa kha
reikahta chhopasia thei vana," a tah hra.
Pakha heih ta, "A châhta cha ei unawhpazy bâhlia pakypa ta,
chheichahriepa ama châ notapazy kha ei mâ lâta hmô tyh na ta, a mô a ru kaw tyh.
"Kha zydua kha khô ha ta, atahmâ duasu liata eima y ha bâ.
"Ei nâ nata ei pâ zy he kyhpachâ ei na ta. Eima chô liata hmo
ama taopa zydua kha phie ei ngiathai khai ha ei" a tah hra.
No comments