Tisi Bei N.Laikô Hawka Pahy

MADC Forest Department, Siaha hmahlana nata pachhuahpanohpa ta taopa, Tisi khih beipa, N.Laikô Hawka cha zâhnia (Târi 8.2.2019) khata Puhpa F.Lawmkima, EM, Environment & Forest Department, MADC ta Tisi khih liata a pahy.

He Hawka pahyna daihti hmâ khai tawhna heta Tisi Community Hall liata daihti phasa kawpa nata ahuatlâ kawpa hmâpazipâpa châpa ta, zâlâ daihti liata Machâ N.Thachho nata achhôhkhazy ta Seih, Vao nata sahroh hropa ama thyupazy hleikhôta, Tisi biatuhpa Puhpa Tiahlei Syuhlô, Chairman, Town Committee, MADC ta vao a thyupazy hmâpa ta he Hawka pahyna alyna kyhchhi rônah kawpa pachhuahpanohpa a châ hra.

He Tisi khih liata N.Laikô Hawka pahyna daihti he Tisi khih zawpi ta ama pasô hleikhôta, Siaha tawhta chhao MADC Forest & Environment Department mo nata sa vâro tlaita he daihti he amâ zâ hlao.

He Hawka he MADC Forest Department ta râhhmâhpa nata Pazu-pavaw, râhsazy pabohsana châta hmahlana a siekheipa tha patlôna châta pachhuahpanohpa a châ.