TISI khih liata hawsaih Kg 5.5 ta a hripa a pih

Zâhnia 07.02.19 zâ dawh 08:00pm rachhôh khata Tisi khih liata Sub Centre-liata chapaw hawsaihpa Kg 5.500 ta â hripa a pih.

Hawsaih pih thiehpa nô he N.Ngôthie châ ta, a paw he RC Zakha a châ. Hawsaihpa he Sub Centre liata Health Worker nata ASHA worker zy ta amâ huah.

He hawsaihpa he Pihnô Ngôthie nata Puhpa Zakha saw 5 na chápa ta, a uhta 4-zy he chanô sai ama chã. Hawsaihpa nô nata paw zy he kuraihriapa ta nietluapa châ ei ta, he hawhta hawsaih khochhihpa nata â hripa ama hneipa he alykhei amâ chhih hmeiseih. Hawsaihpa nata a nô he ama duasu a phapa hawhta bielana hnawhta a palâsa.