Beinô chavah liata sao vawh awpa ta a siepa ti liata tlasao

Zâhnia târi 28 Pamih 2019-pa khata, Puhpa C.Rothangpuia, kô 46, Lawngtlai, Bethel Vaih cha Beinô liata nga patu awpa a siepa cha, a piepasipa ta ti liata tlapa ta, a hrona a pahlei. Puhpa Rothangpuia ri he zâhnia lâ nata atanoh lâ ta veiseihpa zy ta athat ama tlua tawhta, atanoh my dawh 11:45Am-pa khata a ri hmôpa a châ.

Thâtih eima daona ta a palâsana dâhta, Puhpa C.Rothangpuia he zâhnia (Pohbie noh) my dawh 3:00Am rachhôhpa khata sao vawh awpa ta Beinô lâ he sie ta. Mydi ta a pua hapa zâ daihti taihta avaw tlô khao leipa vâta a chhôhkha sanawhzy pachâ pha leipa ta a siena lâ he za tlua ei ta. Zâcho lâchhâh liata Bukpui chavah tlana rachhôh liata a chysia nata lâchao a siesaipazy hmô ei ta; sao a vawna awpa rachhôh châ sala ama pangiasana su liata a chapal ama hmô heih hra. He hawhta a châ nona heta a sao ama hmô leipa vâta ti liata â piepasipa a châ na ta pangiasa ei ta, veiseihpa py zy ama pahnosa hapa a châ.

A ri he atamy mydi tawhna khata Lawngtlai lâ tawhta CYLA manôhzy ta tlua lymâ ei ta, MTP Gen HQ nata MTP Branch nano nanopazy ta atamy lâ tawhta tluakhei lymâ hrapa ta, atanoh Chutyh noh my dawh 11:00Am –pa khata ama hmô hapa a châ.

Puhpa C.Rothangpuia ri tluana rai he Lawngtlai tawhta CYLA chhihtuhpazy nata Branch nano nanopazy manôhzy ta hriapa ta, Siaha tawhta MTP Gen HQ chhihtuhpa Puhpa Kichhô Chozah, Puhpa J.Ngôchyu nata Puhpa CL Hranga hleikhôta Disaster Management Team manôg 6 ama sie hra. Âmo hleikhôna heta MTP Sub HQ Amôtlâh nata Riasikah MTP Branch tawhta manôh 30-zy ta ri he ama za tluakhei hra.

Atakô January-March 2019 chhôhta Beinô chavah liana heta Siaha Dist tawhta chyhsa 1 nata Lawngtlai Dist chyhsa 2 ama tlasao ha.

- Source : CL Hranga, Siaha