MADC Budget Session 2019 : LAKHER tahpa MARA tahpa ta thla awpa apyh

Noh 3 chhôh a ô awpa MADC Budget Session 2019 cha atanoh chhao hnei pazaopa châpa ta, Private Resolution sâkha passed-pa a châ.

Puhpa K.Chiama Private Resolution - "Marapazy he eima moh dopa ta pahnopa eima châ thei n'awpa ta India sawhkhâ ta Tribe List liata Lakher tahpa ta miah a ropa he, MARA tahpa thlapa châ mawh sy"

tahpa cha reipahmaohpa a châ tawhta lôhraoh kawpa ta a pyhpa a châ.

Khâpa ama rei?

"Chi nata Pho he Development zy hlâta hmia eima pasah awpa a châ"

- Puhpa N.Zakhai, CEM, MADC

"Atliata tawhta athata chi nata pho liata a hra pi ta. Lakher ma eima châ ma MARA ma eima châ ma tahpa liata eima sia awpa â ngiah kaw bâ"

- Puhpa HC Malsawma Zasai, MDC

Mara chi nata pho abohna châta peimawh kawpa -

"The MADC (Trading) Amendment Bill, 2019" reipahmaohpa a châ hra.

He dâh heta, Mararâh liata sôhdaoh pasaina hnei thei awpazy cha _kô 1972 hlâta tlyma khô lâta tlyma Mararâh liata a pihpa nata pathla zy, (Scheduled Tribe a châpa)-zy ta Trading License ama hnei thei aw_ tahpa châ ta; Dâh hmiatuapa liata cha 'Sôhdaohna a siekhei thei awpazy cha Mizoram liata a pahrâpa, Tribal chyhsa' (Pahnopasia pathlah vana) tahpa châ ta, he he pananopa a châ aw, tahna a châ.